بايگە مەن كوكپار اتتارىنا دەم سالۋ دۇرىس پا؟

استانا. قازاقپارات - اسسالامۋ الەيكۋم! وڭتۇستىك وڭىردە بايگەگە قوساتىن جانە كوكپار شاباتىن اتقا دەم سالدىرۋ ءۇردىسى بار. مۇنداعىسى اتتىڭ تۇياعى سۇرىنبەسىن، جۇرتتىڭ نازارى تيمەسىن دەگەن نيەتپەن دەم سالدىرادى. وسى قانشالىقتى دۇرىس؟

 جاۋاپ

ۋا الەيكۋم اسسالام!

ءتىل- كوز نەمەسە كورەالماۋشىلىقتان ساقتاۋ نيەتىمەن ات جانە باسقا جانۋارعا دەم سالدىرۋدىڭ ەشبىر ابەستىگى جوق. قۇران كارىمدەگى «.. ء.ارى اقيقاتىندا، ول تاستاردىڭ كەيبىرى اللادان قورىققاننان قۇلايدى.. .[1]» دەگەن ايات، پايعامبار (س. ع. س. ) سۇيەنگەن قۇرما اعاشىنىڭ كۇڭىرەنىپ داۋىس شىعارۋى - مۇنىڭ بارلىعى دا دۇعا اسەرىنىڭ ايعاعى.

بۇعان ءبىرقاتار نەگىز بار. مىسالعا، حاديستە: «ەگەر سەندەردىڭ ءبىرىڭ باۋىرىنان، وزىنەن نەمەسە مال- دۇنيەسىنەن تاڭ قالدىراتىن ءبىر تۇسىن كورسە، بەرەكە تىلەسىن. ويتكەنى، كوز تيۋ - اقيقات[2]» ، - دەلىنگەن. مىنە، دەم سالۋعا قاتىستى ادام مەن باسقا نارسەنى ءبولىپ جارىپ ايتىلماعان.

ساحابا حانزالاعا (ر. ا. ) بەتىندە ىسىگى بار نەمەسە جەلىمىندە ىسىگى بار مالدى الىپ كەلەتىن. ول كىسى ەكى قولىنا تۇكىرىپ: «بيسميللاھ» دەپ باسىنا قولىن قويىپ، «اللا ەلشىسىنىڭ (س. ع. س. ) الاقانى ورنى» دەپ سيپاسا، ىسىك كەتەتىن دەيدى. [3] پايعامبارىمىزدىڭ (س. ع. س. ) حانزالاعا ايتقانى قاتە كەتپەيتىن اۋزى دۋالى جان بولسىن دەپ باتا بەرگەنى بەلگىلى.

قورىتا ايتقاندا، ادامعا بەلگىلى ايات- دۇعالارمەن دەم سالۋعا بولاتىنى سياقتى، ءتورت تۇلىككە جانە دۇنيە- مۇلىككە دە دەم سالۋعا رۇقسات ەكەنىن ايتىلۋدا.

[1] باقارا سۇرەسى، 74-ايات

[2] احمەد

[3] احمەد

رۋسلان قامباروۆ
muslim.kz