جاپوندىق ماماندار «كورىنبەيتىن» پويىزدار شىعارعالى جاتىر
ەندى ولار بىرەگەي جوبا - «كورىنبەيتىن» پويىزداردى قۇراستىرىپ جاتىر.
قازىرگى ۋقىتتا ساۋلەتشى كازۋە سەدزيما مەن ونىڭ توبى قورشاعان ورتامەن «تۇتاساتىن» قۇرامدى شىعارۋمەن اينالىسۋدا. اتالعان جوبا Seibu Group كومپانياسىنىڭ تاپسىرىسى بويىنشا دايىندالىپ جاتىر. اتاقتى Red Arrow پويىزىنىڭ جاڭا نۇسقاسى كومپانيانىڭ 100 جىلدىعىنا قارساڭىندا دايىن بولادى.
ساۋلەتشىنىڭ ويلاستىرعانىنداي، قۇرام جارتىلاي شاعىلىستىراتىن ماتەريالمەن جابىلىپ، سول ارقىلى كورىنبەيتىن بولادى. سونداي-اق وزگەرىستەر ونىڭ ينتەرەرىنە دە قاتىستى - ساپار كەزىندە جولاۋشىلاردىڭ وزدەرىن ۇيدە جۇرگەندەي سەزىنىپ، دەمالۋى ءۇشىن پويىزدىڭ ىشىندە بارلىق جاعداي جاسالادى.
بۇل وزگەرىستەر پويىزداردىڭ شەكتەۋلى سانىنا عانا ەنگىزىلەتىنى شامالانىپ وتىر، مۇنداي جاڭعىرتۋ جۇمىستارى ءبىرىنشى كەزەكتە 1993-جىلدان بەرى قىزمەت ەتىپ جۇرگەن Seibu 1000 سەريالى ەلەكتر پويىزدارىندا جۇرگىزىلەدى. قورشاعان تابيعي ورتاعا 100 پايىز ەنىپ كەتەتىن قۇرامدار 2018-جىلدان باستاپ جولعا شىعادى.
