ءۇندىستاندا مايكل دجەكسونعا ارنالعان ەسكەرتكىش قويىلدى

استانا. قازاقپارات - ءۇندىستاننىڭ وڭتۇستىگىندەگى چەنناي قالاسىندا مايكل دجەكسوننىڭ قۇرمەتىنە ەسكەرتكىش قويىلدى.

مۋزىكانتتىڭ ونەرىنە تابىنۋشى مونۋمەنتتى Neverland رانچوسىنا ورناتسىن دەگەن نيەتپەن دجەكسوننىڭ تۋىستارىنا سىيلاماق بولعان، الايدا ولار بۇل سىيدان باس تارتتى.

BBC اتاپ وتكەندەي، مايكل دجەكسوننىڭ ونەرىنە تابىنۋشى چاندراسەكاران قارا گرانيتتەن مۋزىكانتتىڭ بەينەسىن جاساتۋ ءۇشىن مۇسىنشىلەردى جالداعان.

ەسكەرتكىش بەلگىلى اكتەر جانە رەجيسسەر پرابحۋ ديەۆا قاراۋىنداعى ۆەلس ۋنيۆەرسيتەتىنىڭ اۋماعىنا ورنالاستىرىلدى. ءارتىس مايكل دجەكسوننىڭ قيمىل- قوزعالىستارىنا ۇقساس بيىمەن كوپشىلىككە تانىلعان.

سالماعى 3,5 توننانى قۇرايتىن ءمۇسىندى 45 كۇندە التى ءمۇسىنشى جاساعان.