الماتىدا ۇيعىر تەلەارناسى ىسكە قوسىلدى
«ءتاڭرىتاع» (ءتاڭىر تاۋى) اتالاتىن تەلەارنا ۇيعىر، قازاق جانە ورىس تىلدەرىندە حابار تاراتاتىن كورىنەدى.
ارنانىڭ اشىلۋىنا الماتىلىق ۇيعىر دياسپوراسىنىڭ وكىلدەرى 5 ميلليون تەڭگە قاراجات جيناعان.
ويىن- ساۋىق باعىتتاعى تەلەارنا اشۋ يدەياسى الماتىلىق ۇيعىرلاردىڭ ويىندا 90-جىلداردان بەرى جۇرگەن ەكەن.
«2008 -جىلى مەن وسىنداي تەلەارنا اشقانمىن. ول كابەلدىك جۇيە ارقىلى تارادى. ءبىر جىل سەگىز ايدان سوڭ قارجىلىق قيىندىقتارعا بايلانىستى ارنا جۇمىسىن توقتاتۋعا تۋرا كەلدى. ول كەزدە الماتىلىق ۇيعىر دياسپوراسى تاراپىنان دەمەۋشىلىك كورە المادىم. سول ۋاقىت ىشىندە ارناعا قاجەت قۇرال- جابدىق، جۇمىسشىلاردىڭ جالاقىسى مەن كوممۋنالدىق قىزمەتكە ميلليون دوللاردان استام قارجى جۇمسادىم. بىلتىر وسى ماسەلەگە قايتا ورالدىم. بىزدە تەلەارنادان باسقا ۇيعىر تىلىندە شىعاتىن گازەت بار، ۇيعىر تەاترى بار. ۇيعىر تىلىندە كىتاپتار باسامىز. ەندى ءوز تەلەارنامىز دا بار»، - دەيدى الماتى قالالىق ۇيعىر مادەني ورتالىعىنىڭ ءتوراعاسى جانە ارنا قۇرىلتايشىسى ابدۋللان ۋشۋروۆ.
