الماتىداعى دزيۋدو اكادەمياسى مامىردا اشىلادى

استانا. قازاقپارات - مامىر ايىندا الماتىدا دزيۋدو اكادەمياسى اشىلادى، دەپ حابارلادى «دزيۋدو» فەدەراتسياسى» ر ق ب باسپا ءسوز قىزمەتىنەن حابارلادى.

«جاڭا دزيۋدو اكادەمياسى بارلىق حالىقارالىق تالاپتارعا ساي بولادى. سپورت كەشەنىندە 4 تاتاميگە ارنالعان زال، ترەناجەر زالى، 100 ادامعا ارنالعان جاتاقحانا مەن اسحانا ورنالاسادى. ونىڭ ىشىندە قازاقستان ۇلتتىق قۇراماسىنىڭ عانا سپورتشىلارى ەمەس، وسى سپورتقا ەندى قىزىعۋشىلىق تانىتقان جەتكىنشەكتەر دە جاتتىعا الادى. سونىمەن قاتار، اكادەميا اياسىندا حالىقارالىق دارەجەدە وقۋ- جاتتىعۋلار، شەتەلدىك مامانداردىڭ قاتىسۋىمەن سەمينارلار مەن شەبەرلىك ساباقتارىن ۇيىمداستىرۋ كوزدەلگەن»، - دەلىنگەن حابارلامادا.

ەستەرىڭىزگە سالا كەتەيىك، قۇرىلىستىڭ العاشقى تاسىن قالاۋعا حالىقارالىق دزيۋدو فەدەراتسياسىنىڭ پرەزيدەنتى ماريۋس ۆيزەر مەن قازاقستان دزيۋدو فەدەراتسياسىنىڭ پرەزيدەنتى كەڭەس راقىشيەۆ قاتىسقان ەدى. اكادەميانىڭ سالتاناتتى تۇردە اشىلۋ ءراسىمىن الماتى قالاسىندا 13-15 - مامىر ارالىعىندا وتكىزىلەتىن «Grand Prix» جارىسىنىڭ اياسىندا وتكىزىلمەك.

شاراعا ق ر مادەنيەت جانە سپورت ءمينيسترى ارىستانبەك مۇحامەدي ۇلى، الماتى قالاسىنىڭ اكىمى باۋىرجان بايبەك، حالىقارالىق دزيۋدو فەدەراتسياسىنىڭ پرەزيدەنتى ماريۋس ۆيزەر مەن قازاقستان دزيۋدو فەدەراتسياسىنىڭ پرەزيدەنتى كەڭەس راقىشيەۆ قاتىسادى دەپ جوسپارلانىپ وتىر.

 اۆتور: مارلان جيەمباي