فرانسيادا تۇنگى كوبەلەكتەردىڭ اياعىنا تۇساۋ سالىندى
ءدال وسى زاڭدى بۇزعانى ءۇشىن ەكىنشى رەت قولعا تۇسكەن ادام 3500 ەۋرو ايىپپۇل تولەۋگە ءماجبۇر بولادى. كوشە كەزىپ، قىزمەت ۇسىنۋشى جەڭگەتايلار دا ادام اربادى، زاڭ بۇزۋعا ۇگىتتەدى دەپ زاڭمەن جازالانادى. زاڭ شىعارۋشىلار قوعامدى ازدىراتىن وسى كەسەلدى اتىمەن جويۋ ءۇشىن بۇرىن ءتانىن ساتىپ كەلگەندەردى دالاعا تاستاماي، ولارعا الەۋمەتتىك كومەك بەرىپ، جاڭا جۇمىس ورىندارىنا ورنالاسىپ كەتۋىنە دە جاردەمدەسەدى.
اتالمىش زاڭ پارلامەنتتىڭ كىشى پالاتاسىمەن قابىلدانعان. گاي دجوفروي، كونسەرۆاتورلار پارتياسىنىڭ وكىلى:
- ءبىز ادام ساۋداسىمەن اينالىسىپ، ءتانىن ساۋدالاۋشىلارمەن كۇرەستى بارىنشا كۇشەيتۋگە ءتيىستىمىز. سول ءۇشىن جەڭىل ءجۇرىستى ايەلدەر ۇسىناتىن قىزمەت ءتۇرىن پايدالانعانداردى دا جازاعا تارتۋ كەرەك دەپ شەشتىك. ەگەر كەلۋشىلەر تىيىلىپ، سۇرانىس بولماسا، جەزوكشەلىك تە، ادام ساۋداسى دا جويىلادى.
www.24.kz
