استانادا ساراپشىلار قازاقستاننىڭ اسكەري قاۋىپسىزدىگىن تالقىلاۋدا

استانا. قازاقپارات - استانادا ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋ ينستيتۋتى (ق س ز ي) ساراپشىلارىنىڭ قاتىسۋىمەن «قازاقستاننىڭ اسكەري قاۋىپسىزدىگىن قامتاماسىز ەتۋ ماسەلەلەرى جانە شەشۋ جولدارى» اتتى كونفەرەنسيا وتۋدە.

شارا اياسىندا ق ر اسكەري قاۋىپسىزدىگىن قامتاماسىز ەتۋ جۇيەسى، ونىڭ اسكەري- ستراتەگيالىق اسپەكتىلەرى جانە وسى سالاداعى عىلىمنىڭ ءرولى تالقىعا سالىنادى. سونىمەن قاتار ساراپشىلار اسكەري كادرلاردى دايىنداۋ جانە جاستارعا اسكەري- پاتريوتتىق تاربيە بەرۋ جايتتارى دا ءسوز بولماق.

كونفەرەنتسياعا اسكەري عىلىمنىڭ بىلىكتى ساراپشىلارى، سونداي-اق جەتەكشى قازاقستاندىق ساراپشىلار قاتىسۋدا.

«كونفەرەنسيا كەزىندە ءبىز ەلىمىزدە قولدانىلىپ كەلە جاتقان اسكەري قاۋىپسىزدىك جۇيەسىن جانە ونىڭ نەگىزگى وزەگى - مەملەكەتتىڭ اسكەري ۇيىمداستىرىلۋىن تالقىلايتىن بولامىز. پلەنارلىق سەسسيالار بارىسىندا بۇرىن اسكەري باسشىلىق قىزمەتتە بولعان بىلىكتى ماماندار، اسكەري عالىمدار، وتاندىق ساراپشىلار ءتۇرلى ماسەلەلەر بويىنشا بايانداما جاسايدى. ول اسكەري كۇشتى دايارلاۋ جانە قۇرۋ، اسكەري كادرداردى دايارلاۋ، اسكەري- تەxنيكالىق قامتۋ، قورعانىس- ونەركاسىپتىك كەشەندەردىڭ سالىنۋى مەن جاي- كۇيىنە قاتىستى ماسەلەلەر»، - ق س ز ي- دىڭ الماتى قالاسىنداعى وكىلدىگىنىڭ عىلىمي قىزمەتكەرى گەورگي دۋبوۆسيەۆ.

جيىن قاتىسۋشىلارىنىڭ اتاپ وتكەنىندەي، اسكەري قاۋىپسىزدىك سالاسىندا ەنگىزىلگەن جاڭا يدەيالار قازىرگى زامانعى قاۋىپ-قاتەرلەرگە توتەپ بەرۋگە وڭ اسەر ەتەدى.

«الەمدە ءبىز كورىپ وتىرعان كۇردەلى ۇدەرىستەر، ارينە ءبىزدىڭ تاراپىمىزدان تەرەڭ تالداۋدى جانە ءبىزدىڭ اسكەري قاۋىپسىزدىگىمىزدى قالاي كۇشەيتەمىز دەگەن ساۋالعا جاۋاپ تابۋىمىزدى قاجەت ەتەدى»، - دەپ اتاپ ءوتتى ق س ز ي ديرەكتورى ەرلان كارين.

اۆتور: جاسۇلان جولدىبايەۆ