قازاق حاندىعى تۋرالى فيلم حالىقارالىق كينوفەستيۆالىندە جەڭىمپاز اتاندى
كەشە استانادا وسى بەدەلدى ماراپات ق ر مادەنيەت جانە سپورت ۆيتسە- ءمينيسترى ع. احمەدياروۆقا تاپسىرىلدى، دەپ حابارلايدى مينيسترلىكتىڭ باسپا ءسوز قىزمەتى.
قازاقستاندىق فيلم The World of Knowledge ونىنشى مەرەيتويلىق كينوفەستيۆالىنە قاتىسۋعا وتكەن جىلى سانكت- پەتەربۋرگ (رەسەي) قالاسىندا نوميناتسيالاندى. ون بولىمنەن تۇراتىن «ماڭگىلىك اسپان استىندا» عىلىمي- كوپشىلىك فيلمدى مادەنيەت جانە سپورت مينيسترلىگىنىڭ تاپسىرىسىمەن قازاق عىلىمي- زەرتتەۋ مادەنيەت ينستيتۋتى تۇسىرگەن بولاتىن. باقىت قايىربەكوۆ (سەناري اۆتورى جانە رەجيسسەر) جانە اندرەي حازبۋلاتوۆ (باس پروديۋسەر) ۇزدىك سەناري ءۇشىن ۇزدىك ماراپاتتى جەڭىپ الدى.
«بۇل جوعارى ماراپات عىلىمي- كوپشىلىك كينو ءالى دە كورەرمەندەر اراسىندا كەڭ تارالعاندىعىن كورسەتەدى. بۇنداي جۇلدەلەر مادەنيەت جانە عىلىمنىڭ دامۋى مەن ناسيحاتتالۋىنا جاڭا بەلەستەر اشا تۇسەدى» ، - دەپ ەسەپتەيدى قازىلار القاسىنىڭ ءتوراعاسى، پروديۋسەر، ستسەناريست، كينووپەراتور، كوڭىل كوتەرەتىن ەمەس كينو جانە تەلەديدار گيلدياسى باسقارماسىنىڭ مۇشەسى ۆيكتور سكۋبەي.
«قازىلار القاسىنىڭ قۇرامىندا كينو كاسىبي ماماندارى عانا ەمەس، اتاقتى عالىمدار دا بار وسىنداي بەلدى فەستيۆالدىڭ جۇلدەسىن العانىمىزعا وتە قۋانىشتىمىن. قازىرگى ۋاقىتتا الەم ورتالىق ازيا، اسىرەسە قازاقستاننىڭ تاريحىنا ۇلكەن قىزىعۋشىلىق تانىتۋدا. ءبىزدىڭ سەريالىمىز - ءوزىمىز تۋرالى، حالقىمىزدىڭ سانا- سەزىمى تۋرالى وبەكتيۆتى بايانداپ بەرۋگە دەگەن تالپىنىس»، دەدى سەناري اۆتورى جانە رەجيسسەرى باقىت قايىربەكوۆ.
ەسكە سالا كەتسەك، «ءبىلىم الەمى» 10- عىلىمي- كوپشىلىك جانە اعارتۋشىلىق فيلمدەر حالىقارالىق كينوفەستيۆالىن 2006 -جىلدىڭ اقپان ايىندا «لەنناۋچفيلم» كينوستۋدياسى» ا ا ا ق جانە «ينتەللەكتۋالنىە رەسۋرسى روسسيي» ۇلتتىق كوميتەتى ۇيىمداستىرعان بولاتىن. كينوفەستيۆال باعدارلاماسىنا حالىقارالىق بايقاۋ، كونكۋرستان تىس كورسەتىلىمدەر جانە ارنايى باعدارلاما كىرەدى. بۇل فەستيۆالعا الەم 32 مەملەكەتىنىڭ وكىلدەرى قاتىسىپ ۇلگەردى.
«ءبىلىم الەمى» تالاي جاڭا ەسىمدەردى اتاقتى ەتىپ، دۇنيەتانىم سالاسىنداعى شىنايى جاڭالىقتارمەن تاڭقالدىردى. فەستيۆال - كينوجوبالاردىڭ ۇلكەن الەمدىك كورسەتىلىمگە شىعۋعا مۇمكىندىك بەرەتىن جەتەكشى كينوفەستيۆالدەردىڭ ءبىرى.
«ماڭگىلىك اسپان استىندا» فيلمى 2015 -جىلى قازاق حاندىعىنىڭ 550 جىلدىعى اياسىندا تۇسىرىلگەن بولاتىن. سەناريدىڭ نەگىزى رەتىندە نۇرسۇلتان نازاربايەۆتىڭ «تاريح تولقىنىندا» كىتابى الىنعان. فيلم قازاق حاندىعىنىڭ قۇرىلۋىنا ارنالعان. ءارقايسىسى 26 مينۋتقا سوزىلعان 10 بولىمنەن تۇرادى. بولىمدەردىڭ ءارقايسىسى قازاق حالقى تاريحىنىڭ بەلگىلى ءبىر كەزەڭى تۋرالى باياندايدى. سەريالدىڭ ءار فيلمى دەربەس تۋىندى بولا تۇرا، كوشپەلى حالىقتاردىڭ دۇنيەتانىمى، ولاردىڭ «مادەنيەتتەر بايلانىسى» رەتىندەگى ۇلى ماقساتى جانە الەمدىك وركەنيەتتەر، كونە كەزەڭنەن باستاپ بۇگىنگە دەيىنگى ولاردىڭ جاڭالىقتارى جانە بۇكىل وركەنيەتتى الەمنىڭ جەتىستىگىنە اينالعان تابىستارى تۋرالى نەگىزگى يدەيانى ناسيحاتتايدى. فيلم قازاقستاننىڭ الەمدەگى تاريحي جانە گەوساياسي ءرولىن تولىققاندى اشادى.
ەسكە سالىپ كەتسەك، دەرەكتى فيلمنىڭ ەكى ءبولىمى بىلتىر ا ق ش- تا دجوردج ۋنيۆەرسيتەتى (ۆاشينگتون) جانە اكتەر، پروديۋسەر جانە رەجيسەر روبەرت دە نيرونىڭ TribecaFilm كينوستۋدياسىندا (نيۋ- يورك) العاش رەت كورسەتىلگەن ەدى.
