عالىمدار: مەديتاتسيا سپورتپەن اينالىسۋعا جاردەمدەسەدى

استانا. قازاقپارات - وقىرماندارعا تۇسىنىكتى بولۋ ءۇشىن ەڭ الدىمەن مەديتاتسيا ءسوزىنىڭ انىقتاماسىن بەرە كەتكەن ءجون. مەديتاتسيا - ادامنىڭ ءوزىنىڭ ىشكى الەمىنە قالتقىسىز ءۇڭىلۋىن، بارلىق رۋحاني نازارىن جان دۇنيەسىنە باعىتتاۋىن، سانانىڭ وزىندىك مازمۇنعا تەرەڭ باتۋىن بىلدىرەتىن ۇعىم.

مەديتاتسيامەن اينالىسۋ جاسوسپىرىمدەرگە دۇرىس تاماقتانۋعا جانە سپورتپەن اينالىسۋعا جاردەمدەسەدى. امەريكالىق زەرتتەۋشىلەر سەمىزدىكپەن كۇرەس ءادىسىن جاساپ شىعارۋ ءۇشىن 40 جاس ءوسپىرىمدى زەرتتەۋگە قاتىستىردى.

زەرتتەۋشىلەر توعىزىنشى سىنىپ وقۋشىلارىنىڭ فيزيكالىق بەلسەندىلىگى، تاماقتانۋى دەڭگەيىن زەردەلەدى. ەرىكتىلەردىڭ باسىم بولىگىندە ارتىق سالماق بولىپ، دۇرىس تاماقتانباعان.

قاتىسۋشىلار 12 اپتا ساباققا قاتىستى، دەپ جازدى روسبالت. جاسوسپىرىمدەر ديافراگما(قالقا، توسقاۋىل جاساۋ، شەكتەلۋ - رەد.) قوزعالىسىنا بەيىمدەلىپ، دەمالۋدى ۇيرەندى. بۇلاي تىنىس الۋ ادامنىڭ ءوز دەنەسىنە كوپ كوڭىل بولۋىنە مۇمكىندىك بەرەدى.

بۇدان باسقا، ەرىكتىلەردىڭ شوكولاد ءدامى مەن توقتىقتى سەزىنۋىنە نازار اۋدارىلدى. ولارعا ەموتسيا تاعامدى كوپ جەۋگە يتەرمەلەيتىنى ايتىلدى. سونداي- اق قاتىسۋشىلار قوزعالىستارىن، ونىڭ ىشىندە قادام ولشەۋىشپەن قيمىلدارىن باقىلادى. عالىمدار قورىتىندىنى ساباق اياقتالعاننان سوڭ، ءۇش ايدان كەيىن باعالادى.