قازاقستاندا اسكەري ءبىلىم الۋدىڭ جاڭا مۇمكىندىگى تۋدى

استانا. قازاقپارات - بۇگىنگى تاڭدا ەلىمىزدىڭ بارلىق اسكەري وقۋ ورىندارىندا وقۋعا ءتۇسۋ كەزىندەگى تالاپتار وزگەرتىلگەن، دەپ حابارلايدى ق ر ق م باسپا ءسوز قىزمەتى.

«كادەت كورپۋسىنا ءتۇسۋ كەزىندە ۇ ب ت- نىڭ ۇپايى ەسكەرىلەدى. ءبىراق، جوعارى وقۋ ورىندارىمەن سالىستىرعاندا ونىڭ وتپەلى ۇپايى تومەن. بۇل ۇ ب ت- دا 50 دەن تومەن بالل جيناعان بوزبالالار مەديتسينالىق كۋالاندىرۋدان ءوتىپ، دەنە دايارلىعى بويىنشا نورماتيۆتەردى، پسيحولوگيالىق تەستىلەۋدى ويداعىداي تاپسىرسا كادەت كورپۋسىنا تۇسۋگە مۇمكىندىك الادى. ناتيجەسىندە ماماندىق الىپ شىعىپ، سايكەسىنشە كادەت كورپۋسىن ءتامامداعاننان كەيىن 100 پايىز جۇمىسقا ورنالاستىرىلادى. كادەت كورپۋسىنا ءتۇسۋ ءۇشىن وتپەلى بالل - 30 بالدى قۇرايدى. بۇل بارلىعىن قابىلدايمىز دەگەن ءسوز ەمەس. وقۋعا ءتۇسۋشىنىڭ دەنساۋلىعىندا كىنارات بولماۋى، مورالدىق جانە پسيحولوگيالىق تۇرعىدا تۇراقتى، اسكەري بولۋعا بەكىنۋى ءتيىس. سول كەزدە ونىڭ كادەت كورپۋسىنا تۇسۋگە بارلىق مۇمكىندىگى بولادى»، - دەيدى ق ر ق م ءبىلىم جانە عىلىم دەپارتامەنتىنىڭ باستىعى ايگۇل تۇلەمبايەۆا.

ارنايى تەكسەرۋدەن وتكەن، وقۋعا دەنساۋلىق جاعدايى بويىنشا جارامدى، اتتەستاتتاعى ورتاشا بالل 3,5 تەن كەم بولماسا، كاسىبي- پسيحولوگيالىق تەستىلەۋ جانە كوميسسيانىڭ دەنە دايارلىعى بويىنشا نورماتيۆتەرىن تاپسىراتىنىن ايتا كەتەيىك. قابىلداۋ كەزىندە ولار كادەت كورپۋسىنىڭ اۋماعىندا ورنالاستىرىلىپ، تاماقپەن قامتاماسىز ەتىلەدى.

وقۋدى اياقتاعاننان كەيىن كادەتتەر «اسكەري باسقارۋدىڭ كىشى مامانى (مەنەدجەر)» بىلىكتىلىگى، سونداي-اق «3-سىنىپتى ج ءا ج م- نىڭ مەحانيك- جۇرگىزۋشىسى» جانە «ۆ»، «س» ساناتتاعى اۆتوموبيل جۇرگىزۋشىسى كۋالىگى بەرىلە وتىرىپ، «اسكەري باسقارۋ» ماماندىعى بويىنشا ديپلوم الاتىنىن ايتا كەتكەن ءجون.