رەسەي وزبەكستاننىڭ قارىزىن كەشىردى
دەپ حابارلادى رەسەيلىك ر ب ك اقپارات اگەنتتىگى.
ەكى ەلدىڭ ءبىر- بىرىنە تالابىن رەتتەۋ جايلى كەلىسىم 2014 - جىلى جاسالىپ، رەسەي مەملەكەتتىك دۋماسى ونى بيىل ناۋرىزدا ماقۇلداعان.
بۇل كەلىسىم بۇرىنعى س س س ر كەزىندەگى جانە رەسەيدىڭ وزبەكستانعا 1992-1993 - جىلدارى بەرگەن قارجىلارىنا قاتىستى. 2014 - جىلى رەسەي پرەزيدەنتىنىڭ كومەكشىسى يۋريي ۋشاكوۆ «وزبەكستاننىڭ قارىزىن كەشىرۋ ول ەلگە رەسەيدىڭ اسكەري تەحنيكاسىن جاڭاشا نەسيەمەن بەرۋگە مۇمكىندىك تۋعىزاتىنىن» ايتقان.
كەلىسىم كۇشىنە ەنگەن سوڭ ءبىر ايدىڭ ىشىندە وزبەكستان رەسەيگە قالعان قارىزىن - 25 ميلليون دوللاردى وتەۋى كەرەك. وزبەكستان بۇعان دەيىن س س س ر- ءدىڭ الماس قورىنا قاتىستى 1-2 ميلليارد دوللار تالابىنان باس تارتقان.
رەسەي بۇعان دەيىن 2000 - جىلى ۆەتنامنىڭ قارىزىنىڭ كوبىن (11 ميلليارد دوللاردىڭ 9,5 ميللياردىن)، 2001 جانە 2005 -جىلدارى ەفيوپيانىڭ (4,8 ميلليارد دوللار)، 2003 -جىلى موڭعوليانىڭ (11 ميلليارد دوللار)، 2004 جانە 2008 -جىلدارى يراكتىڭ (22 ميلليارد دوللار)، كۋبانىڭ (30 ميلليارد دوللار) الجير، اۋعانستان مەن سولتۇستىك كورەيانىڭ قارىزىن كەشىرگەن.
«ازاتتىق»
