برەنت ماركالى مۇنايدىڭ باعاسى تاعى وزگەردى

استانا. قازاقپارات - الەمدىك مۇناي باعاسى تومەندەۋدە، ويتكەنى ينۆەستورلار «قارا التىننىڭ» ءوندىرۋ دەڭگەيىن شەكتى دەڭگەيدە ۇستاپ تۇرۋ جونىندەگى كەزدەسۋدە كەلىسىمگە قول جەتكىزۋگە قاتىستى كۇمان كەلتىرەدى، وعان ساۋدا- ساتتىق مالىمەتتەرى دالەل، دەپ حابارلادى ر ي ا نوۆوستي.

سولتۇستىكتەڭىزدىك Brent ماركالى مۇناي قوسپاسىنىڭ ماۋسىم ايىنداعى فيۋچەرستەرى 2,21 پايىزعا تومەندەپ، باررەلى 38,96 دوللار بولدى، WTI ماركالى مۇنايدىڭ مامىر ايىنا فيۋچەرستەرى 2,46 پايىزعا ارزانداپ، باررەلى 36,82 دوللاردى قۇرادى.

بۇدان بۇرىن و پ ە ك- تەگى(«OPEC» مۇناي ەكسپورتتاۋشى ەلدەر ۇيىمى - رەد.) كۋۆەيتتىڭ رەسمي وكىلى ناۆال ءال- فۋزايا 17 -ساۋىردە دوحادا وتەتىن كەزدەسۋلەر قورىتىندىلارى بويىنشا مۇناي ءوندىرۋشى ەلدەر مۇناي ءوندىرۋ كولەمىن اقپانداعى دەڭگەيدە ۇستاپ تۇرۋعا قول جەتكىزەدى دەپ ءمالىم ەتكەن بولاتىن. مۇناي وندىرۋشىلەر بۇل تۋرالى كەلىسىمگە كەلىسسوزدەرگە يراننىڭ قاتىسۋىنسىز- اق قول جەتكىزۋى مۇمكىن ەكەنىن مالىمدەگەن بولاتىن.

سونىمەن قاتار ول مۇناي ءوندىرۋدى ۇستاپ تۇرۋ ونىڭ باعاسىنىڭ وسۋىنە اكەپ سوقتىرادى دەپ اتاپ ءوتتى. مۇناي باعاسى جىل سوڭىنا قاراي باررەلى 45-60 دوللارعا جەتەدى، دەپ سانايدى ول.

«و پ ە ك- تەگى كۋۆەيت رەسمي وكىلى كەلىسىم يراننىڭ قاتىسۋىنسىز بولۋى مۇمكىن دەگەنمەن، يراننىڭ، يراكتىڭ جانە ليۆيانىڭ كەلىسىمگە قاتىسپاۋى فيزيكالىق بالانسقا شەكتەۋلى تۇردە عانا ىقپال ەتەدى. ويتكەنى مۇنايدىڭ قوسىمشا كوزىن نەگىزىنەن وسى ءۇش وندىرۋشىلەر وندىرەدى. سوندىقتان دا كۇماندى ماسەلەلەر سول كۇيىندە قالىپ وتىر»، - دەپ MarketWatch اگەنتتىگى Credit Suisse تالداماشىلارىنىڭ ءسوزىن كەلتىرەدى.