اللەرگيانىڭ سيرەك كەزدەسەتىن تۇرىنە شالدىققان اعىلشىن بويجەتكەنى ەكى جىل بويى پاتەرىنەن شىقپاعان
ەشلي فيشەر وقىعان كوللەدجدىڭ قاسىندا ورنالاسقان نان دۇكەنىنەن جاڭا پىسىرىلگەن توقاشتىڭ ءيىسى شىققان كەزدە، بويجەتكەننىڭ دەنەسى قىزىل داقتارعا تولىپ، قالتىراي باستاعان، تىنىسى تارىلعان.
ەشلي فيشەردىڭ كۇندەلىكتى راتسيونىندا تەك ءسابىز، ءتاتتى پياز، بالدىركوك جانە سارىمساق قانا قالدى - بويجەتكەننىڭ اعزاسىندا ازىق- تۇلىكتىڭ وسى توبىنا رەاكتسيا بايقالعان جوق.
«يىستەردەن اۋلاق ءجۇرۋ ءۇشىن، مەن ۇنەمى ماسكا تاعىپ، جاتاتىن بولمەمدە وتىردىم»، - دەگەن بويجەتكەننىڭ سوزدەرىن كەلتىرەدى The Sun تابلويدى.
ەشليدى جارتى جىل بويى اعزانىڭ وعان بوگدە زاتقا ەرەكشە سەزىمتالدىعىن جوعالتۋى ءۇشىن دەسەنسيبيليزاتسيا ادىسىمەن ەمدەدى. قاراپايىم تىلمەن ايتقاندا، بويجەتكەنگە ادەيى ارنايى «اروماتيكالىق شابۋىل» جاسالعان جانە دوزاسى بىرتە-بىرتە «وسىرىلگەن». جارتى جىلدان كەيىن ەشلي تەرەزەنى اشىپ ۇيىقتاي الاتىن بولسا، سەگىز ايدان كەيىن وتباسىمەن بىرگە ءبىر ۇستەل باسىنا وتىرا الاتىن بولدى.
