ش ق و اكىمى: «لادا» اۆتوموبيلىنىڭ جاڭا ماركالارى شىعارىلادى
بۇل تۋرالى بۇگىن «مەملەكەت باسشىسىنىڭ 5 ينستيتۋتتىق رەفورماسىن جۇزەگە اسىرۋ بويىنشا 100 ناقتى قادام» ۇلت جوسپارىن جۇزەگە اسىرۋ ماسەلەلەرىنە ارنالعان بريفينگ بارىسىندا ءوڭىر باسشىسى دانيال احمەتوۆ ءمالىم ەتتى.
«قازىر قازاقستاننىڭ اۆتوموبيل ءوندىرىسى ءۇشىن قيىن كەزەڭ بولىپ تۇر. باعا ينتەرۆەنتسياسىنا بايلانىستى رەسپۋبليكامىزعا رەسەيدەن سوڭعى 2 جىلدا شامامەن 300 مىڭ اۆتوموبيل اكەلىندى. بۇل «ازيا اۆتو» ا ق- نىڭ وتكەن جىلى اۆتوموبيل ءوندىرىسىن 80 پايىزعا تومەندەتتى. وبلىس ونەركاسىپ ءونىمى كولەمىندە 85 ميلليارد تەڭگەدەن قاعىلدى. جەرگىلىكتى وندىرىستەن شىعارىلعان اۆتوموبيلدەردىڭ ساتىلىمىن ساقتاۋ جانە نارىقتاردى كەڭەيتۋ ءۇشىن ازەربايجان، تاجىكستان، قىرعىزستان جانە موڭعوليانىڭ ۇكىمەتتەرىمەن كەزدەسۋلەر وتكىزىلدى» ، - دەدى د. احمەتوۆ.
وبلىس باسشىسىنىڭ اتاپ وتۋىنشە، 2016 -جىلدىڭ 1- جارتىجىلدىعىندا LADA اۆتوموبيلىنىڭ 3121, Granta, Kalina, Priora, ال ەكىنشى جارتىجىلدىقتا Vesta, X- RAY، Largus ماركالارىن شىعارۋ جوسپارلانعان.
اۆتور: مارلان جيەمباي
