قازاقستاننىڭ تۇرعىن ءۇي نارىعىندا باعالار تومەندەدى - ستاتيستيكا
بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ باسپا ءسوز قىزمەتى حابارلادى.
مالىمەتتەرگە قاراعاندا، ناۋرىز ايىندا وتكەن ايمەن سالىستىرعاندا جاڭا تۇرعىن ۇيلەردى ساتۋ باعالارى 2,5 پايىزعا، اباتتاندىرىلعان تۇرعىن ۇيلەردى الىپ ساتۋ - 0,6 پايىزعا، ودان تومەنگى ساناتتاعى تۇرعىن ۇيلەر باعاسى - 0,1 پايىزعا تومەندەدى. ال اباتتاندىرىلعان تۇرعىن ءۇيدى جالعا الۋ تولەمى 0,3 پايىزعا ارزانداعان.
اتاپ ايتقاندا، 2016 -جىلدىڭ ناۋرىز ايىندا جاڭا تۇرعىن ۇيلەردىڭ شارشى مەترىنىڭ باعاسى 253 مىڭ 530 تەڭگەنى قۇراپ وتىر. بۇل اقپان ايىمەن سالىستىرعاندا 2,5 پايىزعا تومەن. اباتتاندىرىلعان تۇرعىن ۇيلەردىڭ ورتاشا باعاسى شارشى مەترىنە 194 مىڭ 808 تەڭگەنى، ال ودان تومەن ساناتتاعى تۇرعىن ۇيلەردىڭ شارشى مەترى 115 مىڭ 658 تەڭگەنى قۇرادى.
سونىمەن قاتار، اباتتاندىرىلعان تۇرعىن ۇيلەردى جالعا بەرۋ تولەمى شارشى مەترىنە 1 مىڭ 298 تەڭگە بولدى.
اۆتور: قانات مامەتقازى ۇلى
