ورمان ءورتى ا ق ش حالقىنا قاۋىپ ءتوندىردى

استانا. قازاقپارات - ا ق ش- تىڭ اريزونا جانە كاليفورنيا شتاتىنداعى ورماندا تۇتانعان قىزىل جالىننان ماڭايداعى ەلدى مەكەن تۇرعىندارىن قاۋىپسىز ايماققا كوشىرۋگە تۋرا كەلدى.

ءتورت شتاتتىڭ توتەنشە جاعدايلار قىزمەتى جۇمىلعانىمەن، قارقىن العان قىزىل جالىندى اۋىزدىقتاۋ مۇمكىن بولماي تۇر. وعان جىلدام سوققان جەل مەن اپتاپ ىستىق سەبەپ. ءورت ساعاتىنا 80 شاقىرىم جىلدامدىقپەن الدىنا كەلگەنىن كۇلگە اينالدىرىپ بارادى. سالدارىنان وكلاحوما شتاتىنداعى جۇزدەگەن تۇرعىنعا ءۇيىن تاستاپ، قاۋىپسىز ايماققا شىعۋعا كەڭەس بەرگەن. وعان قوسا ورمان ماڭىندا ورنالاسقان دەمالىس ورىندارى دا جابىلىپ، ونداعىلاردىڭ بارلىعى كوشىرىلدى. ۇلتتىق ۆەدومستۆوارالىق ءورت ورتالىعىنىڭ حابارلاۋىنشا، 2015 -جىلى ءتىلسىز جاۋ 4 ميلليون گەكتاردى جايپاعان.

www.24.kz