شوتلانديادا شەكسپيردىڭ العاشقى پەسالار جيناعىنىڭ كوشىرمەسى تابىلدى

استانا. قازاقپارات - كونە جيناق دراماتۋرگتىڭ قايتىس بولعانىنان 400 جىل تولۋ قارساڭىندا تابىلدى. بۇل تۋرالى bbc اگەنتتىگى حابارلادى.

ۋيليام شەكسپيردىڭ 1623 -جىلى شىققان ءبىرىنشى جيناعىنىڭ (العاشقى فوليو) كوشىرمەسىن وكسفورد ۋنيۆەرسيتەتىنىڭ ماماندارى شوتلانديانىڭ بيۋت ارالىنان تاپتى.

جيناق 1916 -جىلى شەكسپير قايتىس بولعانان كەيىن جەتى جىلدان كەيىن شىققان. وندا 36 پەسا بار، ونىڭ 18 ى  وسى ۋاقىتقا دەيىن ەش جەردە جاريالانباعان.

اتاپ ايتقاندا، كىتاپقا «ماكبەت»، «ون ەكىنشى ءتۇن»، «يۋلي سەزار»، «سىزگە قالاي ۇنايمىن» جانە «داۋىل» پەسالارىنىڭ العاشقى باسىلىمدىق نۇسقاسى ەنگىزىلگەن.

ءبىرىنشى بەتىندە اعىلشىن گراۆەر- بەينەلەۋشىسى مارتين درۋشاۋتتىڭ ەڭبەگى - دراماتۋرگتىڭ بەلگىلى پورترەتى ورنالاستىرىلعان.

«العاشقى فوليونىڭ» تارالىمى مىڭ دانادان اسپاۋى ىقتيمال. بۇگىنگى كۇنگە دەيىن وسى باسىلىمنىڭ 230 كىتابى ساقتالعان. ونىڭ 79 ى فولدجەر شەكسپير كىتاپحاناسىندا ساقتاۋلى.