د. نازاربايەۆا شۋچە قالاسىندا مەكتەپكە دەيىنگى ءبىلىم بەرۋ جۇيەسىن دامىتۋ جونىندە دوڭگەلەك ۇستەل وتكىزدى - فوتو
ۆيتسە- پرەمەر الدىمەن اقكول قالاسىندا بولىپ، وسىندا جاڭادان سالىنعان 250 ادامدىق ەمحانانىڭ اشىلۋ سالتاناتىنا قاتىستى. وسىندا دارىگەرلەر ۇجىمىمەن كەزدەسىپ، ەلىمىزدە مەديتسينا سالاسىن دامىتۋ باعىتىندا قولعا الىنعان جۇمىستار تۋرالى ايتىپ بەردى. سونداي- اق، №1 اقكول بالالار ۇيىندەگى جەتىم جانە اتا- اناسىنىڭ قامقورلىعىنسىز قالعان بالالارمەن دە كەزدەستى.
كەزدەسۋدە تاربيەلەنۋشىلەر ۆيتسە- پرەمەرگە وزدەرىنىڭ شىعارماشىلىق جۇمىستارىن ۇسىنىپ، ونەرلەرىن كورسەتتى.
سونىمەن قاتار، ەڭبەكشىلدەر اۋدانى قوعام اۋىلىنداعى شايمەردەن قوسشىعۇلوۆ اتىنداعى ورتا مەكتەپتىڭ، بۋراباي اۋدانىنداعى كوپسالالى اۋدانارالىق اۋرۋحانانىڭ جانە «مەرەي» بالاباقشاسىنىڭ جۇمىسىمەن تانىستى.
بالاباقشا مەكتەپكە دەيىنگى ءبىلىم بەرۋ جۇيەسىن دامىتۋ جونىندە دوڭگەلەك ۇستەل وتكىزدى. وبلىستىڭ ءار وڭىرىنەن كەلگەن پەداگوگتاردىڭ باسىن قوسقان جيىندا مەكتەپ دەيىنگى ءبىلىم بەرۋ ماسەلەلەرى تالقىلاندى.
ساپار سوڭىندا ۆيسە- پرەمەر كوكشەتاۋ قالاسىنداعى ءبىرقاتار الەۋمەتتىك نىسانداردىڭ جۇمىسىمەن تانىسىپ، دوستىق ۇيىندە وڭىردەگى ەتنومادەني بىرلەستىكتەر وكىلدەرىمەن دە كەزدەسۋ وتكىزەدى دەپ جوسپارلانعان.
