قازاقستاندا زاڭ جوبالارىن اشىق تالقىلاۋعا ارنالعان پورتال جۇمىسىن باستادى
legalacts.egov.kz پورتالىندا اشىق تالقىلاۋعا ارنالعان زاڭ جوبالارى جاريالانعان.
قازىرگى تاڭدا ازاماتتار «تۇرعىن ءۇي قاتىناستارى تۋرالى» ق ر زاڭىنا وزگەرىستەر مەن تولىقتىرۋلار ەنگىزۋ تۋرالى»، «جارناما تۋرالى» ق ر- نىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» جانە «ستاندارتتاۋ تۋرالى» زاڭ جوبالارى بويىنشا ءوز وي- پىكىرلەرىن بىلدىرە الادى»، دەپ حابارلايدى «ۇلتتىق اقپاراتتىق تەحنولوگيالار» ا ق- نىڭ باسپا ءسوز- قىزمەتى.
بۇعان قوسا، 10 - ساۋىرگە دەيىن پورتالدا «سالىق جانە بيۋدجەتكە تولەنەتىن باسقا دا مىندەتتى تولەمدەر جونىندە، سونداي- اق كەدەندىك رەتتەۋ تۋرالى» كودەكس جوباسى تۇجىرىمداماسى قوعامدىق تالقىلاۋعا ۇسىنىلادى.
«اشىق ن ق ا» پورتالى - ازاماتتارعا قوعامدىق باستامالاردى، نورماتيۆتى قۇقىقتىق اكتىلەردى جانە مەملەكەتتىك ورگاندار شەشىمدەرىن قاراستىرۋ ۇردىسىنە قاتىسۋىن قامتاماسىز ەتەدى. دالىرەك ايتقاندا، مۇددەلى ورگان بەكىتپەس بۇرىن ازىرلەۋشى ورگاندار جوبالاردى قوعامدىق تالقىلاۋعا پورتالعا ورنالاستىرادى. تالقىلاۋ ناتيجەلەرى دە سول پورتالدا جاريالانادى.
بۇعان دەيىن، مەملەكەتتىك قىزمەتتەر تالقىلاۋى ەلەكتروندىق ۇكىمەت اياسىندا eGov پورتالىندا وتكەن بولسا، قازىرگى تاڭدا، «اقپاراتقا قولجەتىمدىلىك» زاڭىنىڭ قابىلدانۋى ارقاسىندا بارلىق زاڭ جوبالارىنىڭ تۇجىرىمدامالارى، نقا جوبالارى مەن مەملەكەتتىك قىزمەتتىڭ ستاندارتتارى مىندەتتى تۇردە «اشىق ن ق ا» ينتەرنەت- پورتالىندا قوعامدىق تالقىلاۋدان وتەدى.
