ق ر وليمپيادالىق كوميتەتىنىڭ لوگوتيپى وزگەردى
لوگوتيپتى وزگەرتۋ جۇمىستارى ق ر ۇ و ك 25 جىلدىعىمەن قاتار كەلدى. وسى شارا اياسىندا لوگوتيپتىڭ گرافيكالىق تۇرعىدا جانە تۇسىنە، شريفتىنە قاتىستى وزگەرىستەر ەنگىزىلدى، دەپ حابارلايدى كوميتەتتىڭ سىرتقى كوممۋنيكاتسيالار قىزمەتى.
لوگوتيپ كوك ءتۇستى شەڭبەر تارىزدەس. وندا ۇلتتىق وليمپيادا كوميتەتىنە تيەسىلى ەكەندىگىن بىلدىرەتىن جازۋ جازىلعان.
«جاڭا لوگوتيپتىڭ نەگىزگى ەلەمەنتى - بۇركىت. ونىڭ وليمپيادالىق ساقينالارمەن بىرگە كوكتە سامعاۋى - الەم سپورتىندا قازاقستاندىقتاردىڭ قازىرگى جانە بولاشاقتاعى جەتىستىكتەرىن كورسەتەدى»، دەلىنگەن حابارلامادا.
لوگوتيپتىڭ استىڭعى تۇسىندا «قوشقار ءمۇيىز» ويۋى ورنالاسقان. ول تەك دەكوراتيۆتى بەزەندىرىلۋ ەمەس، ۇرپاقتار بايلانىسى مەن ۇلتتىق سانانى بىلدىرەدى.
ق ر ۇ و ك جاڭا لوگوتيپى حالىقارالىق وليمپيادا كوميتەتى تاراپىنان قۇپتالدى.
