سمارتفونسىز مەملەكەتتىك قىزمەتكەرلەردىڭ كاسىبي مۇمكىندىكتەرى شەكتەلىپ وتىرعان جوق - ءا. كومەكبايەۆ

استانا. قازاقپارات - ق ر مەملەكەتتىك قىزمەت ىستەرى مينيسترلىگى مەملەكەتتىك قىزمەت دەپارتامەنتىنىڭ ديرەكتورى ءالي كومەكبايەۆ مەملەكەتتىك قىزمەتكەرلەرگە سمارتفوننىڭ قاجەتى دە شامالى دەپ ەسەپتەيدى.

بۇل تۋرالى ول بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ءمالىم ەتتى.

«مەندە قارسى ساۋال بار، سمارتفون نە ءۇشىن قاجەت؟ سمارتفون بولماعان سوڭ، الەۋمەتتىك جەلىدە وتىرۋعا جانە بىرەۋمەن اڭگىمەلەسۋگە مۇمكىندىك بولمايدى. ءبىراق مەملەكەتتىك قىزمەتكەرلەردىڭ كاسىبي قىزمەتىنە قاتىستى بارلىق مۇمكىندىكتەر ساقتالعان. ينتەرنەتتەرى بار، تەلەفوندارى بار. ءاربىرىنىڭ كومپيۋتەرىندە ينتەرنەت جەلىسى قوسىلعان. ارينە الەۋمەتتىك-ساۋىقتىق جەلىلەرگە كىرۋ مۇمكىندىكتەرى جوق»، - دەپ اتاپ ءوتتى ءا. كومەكبايەۆ.

دەپارتامەنت باسشىسىنىڭ ويىنشا، سمارتفونسىز ءتىپتى جۇمىس ىستەۋ ىڭعايلى.

«ءبىرىنشى كۇننەن باستاپ بىزدە سمارتفون قولدانۋ دەگەن جوق. مينيسترلىكتە ءبىرىنشى قاباتتا ارنايى جاشىكتەر بار. ءبىز سول جەرگە تاپسىرامىز. ءبىراق مەن ونى ءتىپتى جۇمىسقا اكەلۋدەن قالدىم جانە سمارتفونسىز ءومىر ىڭعايلى ما دەپ ويلاپ وتىرمىن. ول مەندە ۇيدە جاتىر، ءتىپتى قوسپايمىن دا. جۇمىسقا قاراپايىم قالتا تەلەفونىمەن كەلەمىز. ونىڭ قۋاتى 5 كۇنگە دەيىن جەتە بەرەدى، ىڭعايلى سەكىلدى»، - دەدى ول.

اۆتور: جاسۇلان جولدىبايەۆ