بىرىككەن اراب امىرلىگىنىڭ ميللياردەرى استانا ەكونوميكالىق فورۋمىنا قاتىسۋعا نيەتتى

ءابۋ-دابي. قازاقپارات - ءابۋ-دابيدە ب ا ءا- دەگى ق ر توتەنشە جانە وكىلەتتى ەلشىسى قايرات لاما شاريف ب اء ا ىسكەرلىك ورتاسىنىڭ باي ءارى ىقپالدى وكىلدەرىنىڭ ءبىرى حۋسەين ان-نۋۆەيسپەن كەزدەستى.

امىرلىك ميللياردەرى وسى جىلى 25-26- مامىردا وتەتىن استانا ەكونوميكالىق فورۋمىنا قاتىسۋعا شاقىرتۋدى العىسپەن قابىل الدى.

امىرلىك بيزنەسمەنىمەن بايلانىسى بار كومپانيالار ەنەرگەتيكا (ۇلتتىق مۇناي قۇرىلىس كومپانياسىنىڭ (NPCC) پرەزيدەنتى)، ونەركاسىپ («Senaat»   ونەركاسىپتىك حولدينگتىڭ باسقارما ءتوراعاسى)، ينۆەستيتسيا («Maha Capitals», «Al Nowais Investment»  جانە «The Abraaj Group»   كومپانيالارىنىڭ قۇرىلتايشىسى)، قوناق ءۇي بيزنەسى («روتانا» وتەلەلەر جەلىسىنىڭ ديرەكتورى) جانە باسقا دا سەكتورلاردا قىزمەت كورسەتەدى. ونىڭ كومپانياسىنا تيەسىلى اكتيۆتەردىڭ جالپى قۇنى، كەي دەرەكتەر بويىنشا، 6,8 ميلليارد ا ق ش دوللارىنان اسادى.

قازىرگى ميللياردەر ىسكە اسىرىپ جاتقان بارىنشا ءىرى ينۆەستيتسيالىق جوبا مىسىردىڭ مەملەكەتتىك ەلەكتورەنەرگەتيكالىق حولدينگتىك كومپانياسىمەن (Egyptian Electricity Holding Company (EEHC)) بىرلەسىپ، سيناي تۇبەگىندە قۋاتى 2460 مۆت «ۋيۋن ءال-مۋسا» ەلەكتر ستانساسىن سالۋ جوباسى بولىپ تابىلادى. جوبانىڭ قۇنى 4,5 ميلليارد ا ق ش دوللارىنا باعالانادى، ونىڭ 70 پايىز ينۆەستيتسياسى «Al Nowais Investment» كومپانياسىنا، ال قالعان 30 پايىزى - سينگاپۋر، وڭتۇستىك كورەيا، قىتاي جانە مىسىردىڭ جەكە ينسۆەستورلارىنا تيەسىلى.

ح. ان- نۋۆەيسپەن كەزدەسۋ ناتيجەسى بويىنشا ولاردىڭ قازاقستاندىق ەكونوميكاعا ينۆەستيتسيا سالۋ پەرسپەكتيۆالارىن قاراۋ تۋرالى ۋاعدالاستىققا قول جەتكىزىلدى.