اقجارقىن تۇرلىبايدىڭ اناسى قىزىنىڭ قىتايدان قازاقستانعا امان-ەسەن ورالاتىنىنا سەنىمدى
بۇل ەلدە وتانداسىمىزدىڭ اپەللياتسيالىق شاعىمى قارالادى دەپ حابارلايدى «ك ت ك» ارناسى.
اقجارقىننىڭ اناسى زۋحرا سەيتىموۆا مەن ادۆوكاتى ونى اقتاپ الۋعا تىرىسپاق. سەبەبى قورعاۋشىلار قازاقستاندىق ستۋدەنتتىڭ كىناسىز ەكەنىن دالەلدەيتىن دەرەكتەر بار دەيدى. وسىلايشا ساپار الدىندا سۇحبات بەرگەن انا قىزىنىڭ قازاقستانعا امان-ەسەن ورالاتىنىنا سەنىمدى.
«اقجارقىن اقىلى بولىمدە وقىپ، الماتىدا پاتەر جالداپ تۇراتىن. سوندىقتان كيىم-كەشەگى مەن پاتەر اقىسىن تولەۋ ءۇشىن قوسىمشا جۇمىس ىستەپ ءجۇردى. سول جەردە بوتەن بىرەۋلەرمەن تانىسىپ، ولار قىزىما كيىم تاسىمالدايتىن كۋرەر قىزمەتىن ۇسىنىپتى. ەسىرتكىنى سومكەگە سولار سالىپ جىبەرگەن. سوندىقتان مەنىڭ قىزىمنىڭ كىناسى جوق»، - دەيدى اقجارقىن تۇرلىبايدىڭ اناسى زۋحرا سەيتىموۆا.
ەسكە سالا كەتسەك، اقجارقىن تۇرلىباي 2014-جىلى قاماۋعا الىنعان. ونى ەسىرتكى الىپ وتپەك بولدى دەگەن كۇدىكپەن گۋاڭجوۋ اۋەجايىندا تۇتقىنداپ، بىلتىر ءومىر بويىنا باس بوستاندىعىنان ايىرعان بولاتىن.
