عالىمدار: تۇرعىلىقتى جەر ادامنىڭ ءومىر ءسۇرۋ سالتىنا اسەر ەتەدى

استانا. قازاقپارات - بازارلار، قوعامدىق كولىكتەر ايالدامالارى جانە قالالىق ساياباقتار ماڭىندا تۇراتىن ادامدار وزگەلەرگە قاراعاندا فيزيكالىق جاتتىعۋلارعا اپتاسىنا 90 مينۋت كوبىرەك كوڭىل بولەدى ەكەن.

مۇنى كاليفورنيا ۋنيۆەرسيتەتىنىڭ عالىمدارى انىقتادى، دەپ جازدى The Economic Times.

زەرتتەۋشىلەر 18 بەن 66 جاس ارالىعىنداعى 6822 ادامنىڭ مالىمەتتەرىن ساراپتادى. ماماندار قاتىسۋشىلاردىڭ تۇراتىن اۋداندارىن زەرتتەدى. فيزيكالىق بەلسەندىلىك دەڭگەيى اكسەلەرومەترلەردىڭ كومەگىمەن ولشەندى. ول ەڭ كەمى اپتاسىنا ءتورت كۇن ەرىكتىلەردىڭ بەلىنە بايلاندى.

ورتاشا العاندا قاتىسۋشىلار فيزيكالىق جاتتىعۋلارعا كۇنىنە 37 مينۋت بولگەن. سالاماتتى ءومىر سالتىن جۇرگىزۋگە يكەمدى جانە يكەمسىز اۋدان تۇرعىندارىنىڭ فيزيكالىق بەلسەندىلىگى اپتاسىنا 68-89 مينۋت ارالىعىندا بولعان. بۇل ۇسىنىلاتىن ءبىر اپتاداعى 150 مينۋتتىڭ %45-59 قۇرايدى، دەپ جازدى meddaily.ru.