ۋلى جىلان شاعىپ العان ءانشى ساحنادا جان تاپسىردى - كەسكىن

استانا. قازاقپارات - ابجىلاندارمەن شوۋ ۇيىمداستىرۋىمەن تانىلعان يندونەزيالىق ءانشى يرما بيۋل جىلان شاققاننان كەيىن ساحنادا اجال قۇشتى، دەپ حابارلادى لەنتا. رۋ.

ءابجىلان 29 جاستاعى انشىگە كونسەرت ۋاقىتىندا شابۋىل جاساعان، ونىڭ تىستەگەنىنە قاراماستان، ءانشى تاعى 45 مينۋت ءان سالعان. كەيىن بويىنا ۋ تاراعان سوڭ بيۋلدىڭ قۇسىپ، ءسىڭىرى تارتىلىپ جاتقان ءساتىن جانە ونىڭ ساحنادا قۇلاعانىن ونەرىنە تابىنۋشىلار ۆيدەوعا ءتۇسىرىپ العان.

The Daily Mail جازعانداي، وقيعا باتىس ياۆا پروۆينتسياسى كاراۆانگ ەلدى مەكەنىندە ورىن الدى. بيۋل ابايسىزدان كورولدىك ءابجىلاننىڭ قۇيرىعىن باسىپ كەتىپ، ونى جىلان شاعىپ العان. ءانشىنى اۋرۋحاناعا جەتكىزدى، الايدا وندا دارىگەرلەر ونەر يەسىنىڭ قايتىس بولعانىن حابارلادى.

پوليتسيا بيۋل ولىمىنە قاتىستى تەرگەۋ امالدارىن باستادى.