ءال-فارابي اتىنداعى قاز ۇ ۋ مەن بەيجىڭ شەتەل تىلدەرى ۋنيۆەرسيتەتى ىنتىماقتاستىق تۋرالى كەلىسىمگە قول قويدى
ۋنيۆەرسيتەت رەكتورى پەن لۋنمەن كەزدەسۋ بارىسىندا ءبىلىم سالاسىنداعى ىنتىماقتاستىق، ەكى ج و و- نىڭ ستۋدەنتتەرى مەن وقىتۋشىلارىنىڭ اكادەميالىق الماسۋى، 2015-جىلى جەلتوقساندا اشىلعان «قازاقستان ورتالىعى» بازاسىندا ارىپتەستىكتى كەڭەيتۋ ماسەلەلەرىن تالقىلادى.
بەيجىڭ ۋنيۆەرسيتەتىنىڭ رەكتورى وقۋ ورنىندا ءوز كەزىندە قىتايدىڭ شەت مەملەكەتتەردەگى 400 دەن استام ەلشىلەرى ءبىلىم العانىن اتاپ ءوتتى، ال وقۋ ورنىنىڭ ءوزى ق ح ر ديپلوماتيالىق قىزمەتى ءۇشىن كادرلاردىڭ ۇستاحاناسى بولىپ تابىلادى. بيىلعى جىلى 72 الەم تىلدەرى وقىتىلاتىن ۋنيۆەرسيتەتتە 10 تاڭداۋلى تالاپكەردى قازاق تىلىندە وقىتۋ ءۇشىن ىرىكتەپ الۋدى جوسپارلاپ وتىر، ولار قابىلداۋ ەمتيحانىسىز-اق جوعارى وقۋ ورنىنا تۇسەتىن بولادى.
ءوز تاراپىنان ع. مۇتانوۆ ەلدەگى جەتەكشى جوعارى وقۋ ورنى بولىپ تابىلاتىن قازاق ۇلتتىق ۋنيۆەرسيتەتى قازاقستاننىڭ ديپلوماتيالىق قىزمەت قىزمەتكەرلەرى مەن ەلشىلەردىڭ تۇتاس شوعىرىن ءوسىرىپ شىعارعانىن اتاپ ءوتتى. ول قاز ۇ ۋ- دىڭ بەيجىڭ ۋنيۆەرسيتەتى ستۋدەنتتەرىن قازاق تىلىندە وقىتۋعا، جوعارى وقۋ ورنىنا جوعارى بىلىكتى وقىتۋشىلاردى جىبەرۋگە ءازىر ەكەنىن ايتتى.
كەزدەسۋ قورىتىندىلارىمەن قاز ۇ ۋ مەن ب ش ت ۋ اراسىندا ىنتىماقتاستىق تۋرالى كەلىسىمگە قول قويىلدى. بۇل قۇجات ستۋدەنتتەرمەن جانە وقىتۋشىلارمەن الماسۋدى، بىرلەسكەن زەرتتەۋ قىزمەتىن جۇرگىزۋدى، باياندامالار، ماقالالار جانە باسقا دا عىلىمي ەڭبەكتەر جاريالاۋدى، سونداي-اق بىلىكتىلىكتى جەتىلدىرۋ كۋرستارىن ۇيىمداستىرۋدى كوزدەيدى.
قىتايداعى قازاقستان ەلشىلىگى جانە ءال-فارابي اتىنداعى قاز ۇ ۋ ورتالىققا قازاق تىلىندەگى وقۋ-ادىستەمەلىك ماتەريالداردى، سوزدىكتەردى جانە ادەبيەتتەردى سىيعا تارتتى.
ەسكە سالا كەتەيىك، قازاقستان ورتالىعىنىڭ اشىلۋى ءراسىمى 2015-جىلى جەلتوقساندا ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆتىڭ ق ح ر- عا ساپارى كەزىندە وتكەن ەدى.
قىتاي اۋماعىندا ق ر- نىڭ ق ح ر- داعى ەلشىلىگىنىڭ جاردەمدەسۋىمەن قازاقستاندى زەرتتەۋ جونىندە ءۇش ورتالىق (شاڭحاي، داليان، بەيجىڭ قالالارىندا) اشىلدى، ولار قازاقستاننىڭ تاريحىن، ءتىلىن جانە مادەنيەتىن، «ماڭگىلىك ەل» جالپى ۇلتتىق يدەياسىن، ق ر پرەزيدەنتى نۇرسۇلتان نازاربايەۆتىڭ سىرتقى ساياسي باستامالارىن جانە قازاقستاندىق قوعامنىڭ باسقا دا قۇندىلىقتارىن تاراتىپ، ىلگەرى جىلجىتۋى ءتيىس.
