ۇلتتىق ارنادا «ارمان قاناتىندا» اتتى جاڭا تەلەۆيزيالىق حيكايا كورەرمەندەرگە جول تارتپاق
حيكايا 1943-جىلدان بەرى ءوز جۇمىسىن باستاعان اتىراۋ مۇناي وڭدەۋ زاۋىتىنىڭ قالىپتاسۋ تاريحى تۋرالى سىر شەرتەدى، دەپ حابارلادى «قازاقستان» ر ت ر ك» ا ق باسپا ءسوز قىزمەتى.
كينوكارتينا كەڭەس وداعىنىڭ باسشىلىعى نەمىستەردىڭ جاقىنداۋىنا بايلانىستى كاۆكازدا ورنالاسقان مۇناي ونەركاسىپتەرىن جارىپ، قازاقستاندا جاڭا زاۋىت اشۋ تۋرالى شەشىم قابىلداعان كەزدەن باستالادى.
كورەرمەندەر جانتورين جانە حاسانوۆ اۋلەتتەرىنەن شىققان مۇنايشىلاردىڭ ومىرلىك تاريحىنىڭ كۋاسى بولادى.
اتىراۋدىڭ تاريحى كەيىپكەرلەردىڭ ەستەلىكتەرى مەن سەزىمى ارقىلى بەرىلەدى.
كەيىپكەرلەردىڭ تاريحى جەكە وقيعالارعا، تاريحي كەزەڭدەرگە، جەرلەستەرمەن جەكە تانىسۋ جانە باسقا دا وقيعالارعا نەگىزدەلگەن ءتۇرلى اۋلەتتەردىڭ تاريحىمەن ۇيلەسىم تاپقان سيۋجەتتەگى جيناقتاۋشى وبراز.
فيلمنىڭ سيۋجەتى بۇگىنگى كۇنى تاۋەلسىز قازاقستاننىڭ مۇناي استاناسى اتانعان اتىراۋ قالاسىنان باستاۋ الىپ، ءوزارا كەلىسىم تاپپاي كەلە جاتقان ەكى اۋلەتتىڭ بالالارى شولپان مەن ديداردىڭ اراسىنداعى ماحاببات حيكاياسىمەن جالعاسىن تابادى.
وتباسىنان جىراقتا وقۋ وقىپ جۇرگەن ەكى جاس ءبىرىن-ءبىرى ۇناتىپ قالادى. ەكى اۋلەتتىڭ اراسىنداعى داۋ-جانجالدى ءبىلىپ وسكەن ەكى جاس، بولاشاقتا بىرگە بولا المايتىندارىن دا بىلەدى. دەگەنمەن، ديدار لوندونعا وقۋعا اتاناردا شولپاننىڭ اياعى اۋىر بولىپ قالادى.
شولپان باسىنا تۇسكەن جاعدايعا بايلانىستى تۋعان قالاسىنا ورالىپ، زاۋىتقا جۇمىسقا تۇرۋعا شەشىم قابىلدايدى. ناتيجەسىندە، سۇيىكتىسى مەن قۇرساعىنداعى بالانىڭ اكەسىنىڭ اناسى باستىعى بولىپ شىعادى.
ۋاقىت وتە كەلە حاسانوۆتار اۋلەتى شەتەلدەن بالالارى ديداردى قايتارىپ الىپ، جەڭىل ءومىر سۇرۋگە ۇيرەنىپ قالعان جاس جىگىتتى، قاتاڭ باسشىنىڭ قول استىنداعى بريگاداعا قارا جۇمىسكەر رەتىندە جۇمىسقا جىبەرەدى.
5 سەريادان تۇراتىن حيكايادان كورەرمەندەر ماحاببات، وكپە، ءتۇڭىلۋ، ەسكى جارانىڭ اۋزى اشىلىپ، وتكەن ۇرىس-كەرىستەر قايتادان ورىن العان وقيعالارعا قۇرىلعان ەكى اۋلەتتىڭ ءومىرىن كورە الادى. ءبىراق، ەڭ باستىسى بۇل ەكى اۋلەت تە وتباسىلارىنىڭ مۇناي سالاسىنا بەرىلگەن ءداستۇرىن ساقتاپ قالادى.
حيكايانى 2015-جىلى «استانا تەلە فيلم» تۇسىرگەن بولاتىن. رەجيسسەرى باقتيار سەيىتقازى. سەناري اۆتورى - ءلايلا اقىنجان، پروديۋسسەرلەرى بوريس شىردابايەۆ پەن ءاليا ءۋالجانوۆا. باستى رولدەردى تولەگەن جانگەلديەۆ، بەكمۇحامەد كيىكبايەۆ، اقبار جارماعانبەتوۆ، شولپان عابدولمۋلينوۆا، اسەمگۇل وتەشوۆا، ساعىزباي قارابالين، بەيبىت قۇسانبايەۆ جانە گاۋھار ءابجاپاروۆالار سومدادى.
ەكى اۋلەتتىڭ اراسىندا تۇتانعان الاۋىزدىق وتى باسەڭدەي مە؟ ەركە بالا ديدار ناعىز ازامات، وتباسىنىڭ ماقتانىشى بولا الا ما؟ وسى جانە باسقا دا سۇراقتارعا «قازاقستان» ارناسىنىڭ كورەرمەندەرى 9 ءساۋىر كۇنى ساعات 15:00 دە بىلە الادى.
