ايدىن ايىمبەتوۆ اقتوبەدە كوسموناۆتيكا اپتالىعىن اشتى

اقتوبە. قازاقپارات - اقتوبەگە ەكى كۇندىك ساپارمەن ق ر عارىشكەر-ۇشقىشى، حالىق قاھارمانى ايدىن ايىمبەتوۆ كەلدى.

ونىڭ كەلۋىنىڭ ماقساتى - قالادا ادامنىڭ عارىشقا العاشقى ۇشۋىنىڭ 55 جىلدىعىنا ورايلاستىرىلعان ءداستۇرلى كوسموناۆتيكا اپتالىعىن اشۋ.

ول ەكى مارتە كەڭەس وداعىنىڭ باتىرى ت. بيگەلدينوۆ اتىنداعى اۋە قورعانىسى كۇشتەرى اسكەري ينستيتۋتىنىڭ كۋرسانتتارىمەن جانە ك س ر و عارىشكەر- ۇشقىشى، كەڭەس وداعىنىڭ باتىرى ۆيكتور پاتسايەۆ وقىعان العا قالاسىنداعى 2№ ورتا مەكتەپ جاستارىمەن كەزدەستى.

سونداي-اق ايدىن ايىمبەتوۆ وبلىس اكىمى بەردىبەك ساپاربايەۆپەن بىرگە فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىندە بولىپ، وقۋشىلارمەن كەزدەستى. قۇرمەتتى قوناققا وقۋ سىنىپتارىنا ەكسكۋرسيا ۇيىمداستىرىلدى جانە مەكتەپ وقۋشىلارىنىڭ شىعارماشىلىق جانە عىلىمي-زەرتتەۋ جۇمىستارى كورمەسىمەن تانىستىردى.

ايدىن ايىمبەتوۆتى سەگىزىنشى سىنىپ وقۋشىسى ءلاززات دانايەۆا جاساعان ەلەكتر ءورىسى كومەگىمەن عارىش اپپاراتتارىن ۇشىرۋ جوباسى قىزىقتىردى. مەكتەپ وقۋشىسى مۇنداي تەحنولوگيالاردىڭ كەلەشەگى زور ەكەنىنە سەنىمدى: ماسسانىڭ ەلەكتر-ماگنيتتى ۇدەتكىشتەرى ەكونوميكالىق كوزقاراس بويىنشا عانا ەمەس، ەكولوگيالىق قاۋىپسىزدىگى جاعىنان دا ءتيىمدى. نازاربايەۆ زياتكەرلىك مەكتەبى وقۋشىلارىنىڭ عىلىمي جۇمىستارىن كورگەن ايدىن ايىمبەتوۆ ولاردىڭ بىلىمدەرى مەن وقۋعا ۇمتىلىستارىنا ءوزىنىڭ تاڭعالىسىن جاسىرمادى.

«عارىش سالاسىندا زور الەۋەت بار. سوڭعى كەزدەرى جەر اينالاسى وربيتاسىنا ءارتۇرلى ەكسپەريمەنتتەر جاساۋمەن قاتار ايعا ۇشۋدى قايتادان جالعاستىرۋ، سونداي-اق عالامشارارالىق ۇشىرۋلار ماسەلەلەرى العا قويىلىپ وتىر»، - دەدى عارىشكەر، ول جاس قازاقستاندىقتاردىڭ تالانتى مەن بىلىمدەرى ەلدە كوسموناۆتيكانى دامىتۋدىڭ باستى قۇرامداسى بولۋى ءتيىس دەگەن پىكىرىن ايتتى.

مەكتەپتىڭ اكت زالىندا مەكتەپ وقۋشىلارىمەن كەزدەسۋ بولىپ ءوتتى، عارىشكەر-ۇشقىش ولاردى تولعاندىرعان بارلىق سۇراقتارعا جاۋاپ قايتاردى.

بۇدان كەيىن ت. احتانوۆ اتىنداعى وبلىستىق دراما تەاترىندا كوسمموناۆتيكا اپتالىعىنىڭ سالتاناتتى اشىلۋ ءراسىمى بولدى. جينالعاندار الدىندا ءسوز العان ايدىن ايىمبەتوۆ اقتوبەدە ءداستۇرلى تۇردە وتكىزىلىپ كەلە جاتقان شارا زاماناۋي كوسموناۆتيكانىڭ جەتىستىكتەرىن تاراتۋدا عانا ەمەس، بۇل سالانى ودان ءارى دامىتۋدا دا ماڭىزدى ەكەنىن اتاپ ءوتتى، دەپ حابارلادى «اقتوبە اقپارات» اقپاراتتىق ورتالىعى.

اقتوبەدە عارىشكەر-ۇشقىش ايدىن ايىمبەتوۆ ك س ر و عارىشكەر-ۇشقىشى، كەڭەس وداعىنىڭ باتىرى ۆيكتور يۆانوۆيچ پاتسايەۆتىڭ ەسكەرتكىشىنە گۇل شوقتارىن قويدى.