ا ق ش- تا فەرمەر الىپ كروكوديلدى اتىپ ءولتىردى

استانا. قازاقپارات - ا ق ش- تىڭ فلوريدا شتاتىنداعى Outwest Farms ەلدى مەكەنىندە فەرما يەسى لي لايتسي جانە ونىڭ ۇلى مەيسون قابانداردى اۋلاۋعا شىققان جولىندا الىپ اليگاتوردى اتىپ ءولتىردى.

«ءبىز قابانداردى اۋلاۋعا شىققانبىز، الايدا سيىرلار سۋ ىشەتىن قويمادا اليگاتورعا تاپ بولدىق. بىزدە اليگاتورلار كوپ كەزدەسەدى، الايدا بۇل جولعىسى تىم ۇلكەن ەدى»، - دەيدى فەرمەر.

اليگاتوردىڭ ۇزىندىعى 4,5 مەتر، ال سالماعى 350 كەلىگە جۋىق بولعان. 9 جاستاعى كروكوديلدىڭ جانىندا تۇرىپ، كىپ-كىشكەنتاي بولىپ كورىنگەن فەرمەردىڭ ايتۋىنشا، ول كروكوديلدىڭ ەتىن قايىرىمدىلىققا جۇمساپ، ال تەرىسىنەن تۇلىپ جاساماق، دەپ جازادى 24.kz.