تويعا بارعان قوناقتار استان ۋلانىپ قالدى - قىزىلوردا وبلىسى

قىزىلوردا. قازاقپارات - جاڭاقورعان اۋداندىق تۇتىنۋشىلار قۇقىقتارىن قورعاۋ باسقارماسى جانە اۋداندىق اۋرۋحانانىڭ جۇقپالى اۋرۋلار ءبولىمى ءبىر توپ ادامنىڭ استان ۋلانعانعانى تۋرالى وقيعانى تىركەدى.

جاڭاقورعان اۋداندىق اكىمدىگىنىڭ باسپا ءسوز قىزمەتىنىڭ حابارلاۋىنشا، وقيعا 2 -ءساۋىر كۇنى ساعات كەشكە «ايسۇلۋ-1» مەيرامحاناسىندا 40 جاسقا تولعان كەنت تۇرعىنىنىڭ تويىنا بارعان قوناقتار اراسىنان تىركەلدى.

ناۋقاستار 2 تاۋلىكتەن كەيىن دەنە قىزۋىنىڭ كوتەرىلۋى، قۇسۋ، ءىش ءوتۋ، تابەتىنىڭ تومەندەۋى، جالپى السىزدىك ينتوكسيكاتسيالىق بەلگىلەرىمەن جەدەل جاردەم ارقىلى جانە وزدىكتەرىنەن جولداماسىز كەلىپ قارالعان. ولاردان تالداۋلار الىنىپ، باكتەريالوگيالىق زەرتحاناعا جىبەرىلدى.

«بۇگىندە ناۋقاستاردىڭ دەنساۋلىعى ورتاشا ءبىرقالىپتى. اۋرۋ وشاعىندا ەپيدەميولوگيالىق زەرتتەۋ جۇمىسى جۇرگىزىلۋدە»، - دەيدى اۋداندىق تۇتىنۋشىلار قۇقىقتارىن قورعاۋ باسقارماسىنىڭ باسشىسى ا. تۇرعانبايەۆ.

 اۆتور: ەلۋباي اۋەزوۆ