عالىمدار ءتۇسى قىزىل، ءتۇرى ەرەكشە اكۋلانىڭ سىرىن اشتى - فوتو

استانا. قازاقپارات - مەكسيكا جاعالاۋىندا وزگە عالامشارلىق جاراتىلىسقا ۇقسايتىن ەرەكشە قىزعىلت، قامپايعان بالىق اۋلاندى.

عالىمدار ەرەكشە بالىقتى زەردەلەپ- تەكسەرىپ شىقتى.

ساراپشىلار وزگە عالامشارلىقتار كوزدەرىنە ۇقسايتىن سۇر- قىزعىلت ءتۇستى، دوپ سياقتى قامپايعان بالىق - اكۋلانىڭ جەردەگى تۇرلەرىنىڭ ءبىرى ەكەنىن ايتتى. ا ق ش جانە مەكسيكادا تىنىق مۇحيت جاعالاۋىندا كاليفورنيالىق قامپايعان اكۋلا ءومىر سۇرەدى. ولار قاۋىپتى جاعدايدا كوپ مولشەردە سۋ جۇتىپ، دەنەسىن ۇلكەيتەدى، سىرتقى كەيپى كورگەن ادامدى شوشىتادى، دەپ جازادى بريتاندىق تابلويد The Sun.

ول بالىقتىڭ ءتۇسى - قوشقىل نۇكتەلەرى بار سارى- قوڭىر. ال مىنا قىزىل ءتۇستىنى عالىمدار البينيزم نەمەسە لەيكيزم سالدارىنان وزگەرىپ كەتكەن دەگەن تۇجىرىم جاسادى.

الايدا قىزعىلت دومالاق جاراتىلىستىڭ كەيبىر مۇشەلەرى بۇل تۇجىرىمعا قاراما- قايشى كەلىپ تۇر. مىسالى دومالاق اكۋلانىڭ جەلبەزەگى 5-6 بولسا، مۇندا ۇشەۋ عانا.

ازىرگە عالىمدار باستارىن قاتىرۋدا. جۇمباق بالىق تىنىق مۇحيتتان اۋلاندى. ەرەكشە بالىقتى ۇستاعان بالىقشىلار ونى تەڭىزگە قايتا جىبەردى.