11:31, 07 - ءساۋىر 2016 | GMT +5
ەكىباستۇزدىق اكروباتتار قىتايداعى الەم چەمپيوناتىندا كۇمىس جۇلدەگە يە بولدى - فوتو
پاۆلودار. قازاقپارات - ەكىباستۇزدىق جاس سپورتشىلار اكەجان ءانۋاروۆ، باۋىرجان دۇيسەنوۆ، پاۆەل ۆارلاموۆ، دميتري بەزرۋك قىتايدىڭ پۋتيان قالاسىنداعى سپورتتىق اكروباتيكا بويىنشا 25 - الەم چەمپيوناتىندا ەكىنشى ورىنعا يە بولدى.
«جاسىباي» بالالار جانە جاسوسپىرىمدەرگە ارنالعان سپورت مەكتەبى «كۇمىسكە» قول جەتكىزگەن تورتتىك پەن ولاردىڭ باپكەرى ناتاليا وسولودكوۆانى سالتاناتتى تۇردە قارسى الدى، دەپ حابارلادى قالا اكىمىنىڭ باسپا ءسوز قىزمەتكەرى جازيرا سىزدىقوۆا.
«چەمپيونداردى دەنە شىنىقتىرۋ جانە سپورت ءبولىمىنىڭ باسشىسى زەينەپ نۇركەنوۆا قۇتتىقتاپ، گۇل مەن سىيلىقتار ۇسىندى. جۇلدەگەرلەر ءۇشىن سپورت مەكتەبىنىڭ وقۋشىلارى دا سىيلىق، قۇتتىقتاۋ پلاكاتتارىن دايىندادى. وقۋشىلار بىرىگىپ سپورتتىق اكروباتيكانىڭ ءانۇرانىن ورىندادى»، - دەلىنگەن حابارلامادا.
