سەلفيگە ءجيى تۇسەتىن قىتايلىق ۇشقىش جۇمىسىنان قۋىلىپ تىندى - فوتو

استانا. قازاقپارات - قىتايداعى Weibo الەۋمەتتىك جەلىسىندە جاڭا جۇلدىز پايدا بولىپتى. ەندي اتتى پيلوتتىڭ Weibo-سىنا 72 مىڭ ادام جازىلىپ قويعان دەپ حابارلايدى 24.kz.

جۋىردا Air China كومپانياسىنىڭ وسى پيلوتى اۋەگە كوتەرىلمەس بۇرىن كابينادا وتىرىپ، قايتا- قايتا سەلفيگە تۇسكەنى ءۇشىن ۇشۋ ساپارلارىنان شەتتەتىلدى. سەبەبى ول Weibo جەلىسىنە وسى سۋرەتتەردى تىم ءجيى جاريالاۋدى ادەتكە اينالدىرعان، دەپ حابارلايدى airline.ee.

سەلفيقۇماردىڭ بۇل قىلىعىن ءبىلىپ قويعان Air China كومپانياسى ونى ۇشۋ ساپارلارىنا شىعۋدان شەتتەتتى. قازىر وسىعان بايلانىستى ىشكى تەرگەۋ جۇرگىزىلىپ جاتىر.

ايتا كەتۋ كەرەك، تەرگەۋ باستالىسىمەن پيلوت الەۋمەتتىك جەلىدەن ءوز پاراقشاسىن ءوشىرىپ تاستاعان. ال Air China كومپانياسى وكىلدەرىنىڭ ايتۋىنشا، ەنديدىڭ بۇل ادەتى «ونىڭ ۇشۋ بارىسىنداعى كوڭىل- كۇيىنە اسەر ەتۋى مۇمكىن». كومپانيا ەنديدى وسى ارەكەتتەرى ءۇشىن قاتاڭ جازالايتىنىن مالىمدەدى.