اۋىل شارۋاشىلىعى جەرلەرىن ساتىپ العان ادام ونى دۇرىس ماقساتتا پايدالانسا، كەيىن ساتۋىنا دا بولادى - ج. قارجانوۆا
بۇل تۋرالى «100 ناقتى قادام» - ۇلت جوسپارىن ءتۇسىندىرۋ ماقساتىندا اقمولا وبلىسىنا جۇمىس ساپارىمەن كەلگەن قازاقستان رەسپۋبليكاسى ۇلتتىق ەكونوميكا مينيسترلىگى قۇرىلىس تۇرعىن ءۇي- كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى ءتوراعاسىنىڭ ورىنباسارى باۋىرجان سماعۇلوۆ باستاعان اقپاراتتىق ناسيحات توبىنىڭ مۇشەسى، اتالعان مينيسترلىكتىڭ ەكونوميكانىڭ ينفراقۇرىلىمىن دامىتۋ دەپارتامەنتى جەر رەسۋرستارىنىڭ ينفراقۇرىلىمىن دامىتۋ باسقارماسىنىڭ باسشىسى جانار قارجانوۆا ايتتى.
ونىڭ ايتۋىنشا، مەملەكەت مەنشىگىندەگى اۋىل شارۋاشىلىعى ماقساتىنداعى جەر ۋچاسكەلەرى جەكە مەنشىككە ءباسساۋدا ارقىلى بەرىلمەك.
«بيىلعى جىلدىڭ 1 - شىلدەسىندە كۇشىنە ەنەتىن ق ر «جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭىنا سايكەس، اۋىل شارۋاشىلىعى جەرلەرى ءبىرىنشى كەزەكتە جەكە جانە زاڭدى تۇلعالارعا جەكەمەنشىك قۇقىعىمەن جەر ۋچاسكەسىنىڭ كاداسترلىق (باعالاۋ) قۇنىن ارتتىرۋدى كوزدەيتىن اۋكسيون ارقىلى بەرىلەدى.
ەگەر ەكى اۋكسيوننىڭ قورىتىندىلارى بويىنشا ۋچاسكە ساتىلماسا، وندا ول ۋچاسكەنىڭ باعاسىن كاداسترلىق قۇنىنىڭ بەلگىلەنگەن ەڭ تومەنگى شەگىنە (كاداسترلىق قۇنىنىڭ 50 پايىزعا) دەيىن تومەندەتۋدى كوزدەيتىن اۋكسيونعا قويىلاتىن بولادى. ال، اۋىل شارۋاشىلىعى جەرلەرىن ساتىپ العان ادام ونى دۇرىس ماقساتتا پايدالانسا، كەيىن ساتۋىنا دا بولادى»، - دەدى ج. قارجانوۆا.
ەسكە سالا كەتەيىك، ۇلت جوسپارىنىڭ 35- قادامىندا اۋىل شارۋاشىلىعى جەرلەرىن ءتيىمدى پايدالانۋ ماقساتىمەن ولاردى نارىقتىق اينالىمعا ەنگىزۋ، جەر كودەكسىنە جانە باسقا دا زاڭ اكتىلەرىنە وزگەرىستەر ەنگىزۋ تۋرالى مىندەتتەر ايتىلعان بولاتىن.
وسىعان وراي، بۇل مىندەتتەردى جۇزەگە اسىرۋ شەڭبەرىندە اۋىل شارۋاشىلىعى ماقساتىنداعى جەرلەردى جەكە مەنشىككە بەرۋدىڭ جاڭا مەحانيزمىن ەنگىزۋ ماقساتىندا قازاقستان رەسپۋبليكاسىنىڭ «جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» 2015 -جىلعى 2 - قاراشاداعى زاڭى قابىلداندى، ول 2016 - جىلعى 1 - شىلدەدەن باستاپ كۇشىنە ەڭبەك.
اۆتور: اسلان وسپانوۆ
