ەگىندىكول اۋدانىنا جاڭا اكىم تاعايىندالدى - اقمولا وبلىسى

 كوكشەتاۋ. قازاقپارات - اقمولا وبلىسىنىڭ اكىمى سەرگەي كۋلاگيننىڭ وكىمىمەن، قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا جانە اۋداندىق ءماسليحات دەپۋتاتتارى كەلىسىمىنىڭ نەگىزىندە ناريمان تولەپوۆ ەگىندىكول اۋدانىنىڭ اكىمى بولىپ تاعايىندالدى،

 دەپ حابارلادى وبلىس اكىمىنىڭ باسپا ءسوز قىزمەتى.

 ناريمان يحسان ۇلى تولەپوۆ 1967 - جىلى تۋعان، ءبىلىمى جوعارى، سەلينوگراد اۋىل شارۋاشىلىعى ينستيتۋتىن عالىم- اگرونوم ماماندىعى بويىنشا ءبىتىردى.

ەڭبەك جولىن 1992 - جىلعى ساۋىردە تورعاي وبلىسى جانگەلدى اۋدانى قىزىل اسكەر سوۆحوزىنىڭ جاستار كوميتەتىنىڭ ءتوراعاسى بولىپ باستادى.

تورعاي وبلىسى جانگەلدى اۋداندىق ەكولوگيا جانە رەسۋرستار باسقارماسىنىڭ جەتەكشى مامانى، جانگەلدى اۋدانى اۋىل شارۋاشىلىعى باسقارماسىنىڭ باس اگرونومى بولىپ قىزمەت اتقاردى.

ءار جىلدارى تورعاي، قوستاناي وبلىستارىنىڭ اۋىل شارۋاشىلىعى سالاسىندا قىزمەت اتقاردى. 2007 - جىلعى تامىزدان قوستاناي وبلىسى قوستاناي اۋداندىق ءماسليحاتىنىڭ حاتشىسى. 2009 - جىلعى قاراشادان باستاپ قوستاناي وبلىسى جانگەلدى اۋدانىنىڭ اكىمى لاۋازىمىن اتقاردى. 2014 - جىلعى جەلتوقساننان اقمولا وبلىسى بۋراباي اۋدانىنىڭ اۋىل شارۋاشىلىعى ءبولىمى باسشىسى بولىپ جۇمىس جاسادى.

 2015 - جىلعى ماۋسىمنان اقمولا وبلىسىنىڭ جەردىڭ پايدالانىلۋى مەن قورعالۋىن باقىلاۋ باسقارماسىنىڭ باسشىسى لاۋازىمىندا بولدى.

قازاقستان رەسپۋبليكاسى پرەزيدەنتىنىڭ جانىنداعى كادر ساياساتى جونىندەگى كوميسسيانىڭ شەشىمىمەن 2015 - جىلعى اقپاندا مەملەكەتتىك قىزمەتتىڭ «ا» كورپۋسىنىڭ كادر رەزەرۆىنە ەنگىزىلدى.