08:34, 06 - ءساۋىر 2016 | GMT +5
تۇركيادا ونەر كورسەتكەن سىر بويىنىڭ بيشىلەرى ەندى ا ق ش- قا بارادى
قىزىلوردا. قازاقپارات - قىزىلوردا وبلىستىق فيلارمونياسىنىڭ «توميريس» بي ءانسامبلى تۇركيا رەسپۋبليكاسىندا بولدى.
بۇل تۋرالى وبلىستىق مادەنيەت باسقارماسىنىڭ باسپا ءسوز قىزمەتى حابارلادى.
اراداعى دوستىق، ىنتىماقتاستىقتى ودان ءارى نىعايتا ءتۇسۋدى كوزدەگەن ونەر ۇجىمى تۇركيا تورىندە دە كوپشىلىك ىقىلاسىنا بولەنىپ ۇلگەردى. «توميريستىڭ» ساپارى ودان ءارى ا ق ش- تا جالعاسپاق. شارانىڭ سىڭلىلەرى ودان دا قازاق ونەرىن پاش ەتىپ، ۇلتتىق قۇندىلىعىمىزدى بيمەن جەتكىزبەك.
وبلىستىق فيلارمونيانىڭ تاعى ءبىر توپ ونەرپازى رەسەي فەدەراتسياسىنىڭ ورىنبور قالاسىندا ونەر كورسەتىپ قايتتى. قۇرامىندا ۇلت اسپاپتار ءانسامبلى، بەلگىلى ءانشى، جىراۋ، بيشىلەرى بار ۇجىم كوپشىلىكتى «ازات ەلدىڭ اق تاڭى» اتتى كونسەرتتىك باعدارلاماسىمەن قۋانتتى.
گاسترولدىك ساپار ورال قالاسىندا جانە بىرنەشە اۋداندا جالعاستى. بۇل كونسەرت ەل تاۋەلسىزدىگىنىڭ 25 جىلدىعىنا ارنالدى.
اۆتور: ەلۋباي اۋەزوۆ
