بيزنەسمەن جەكە ءۇيدى ءمايىتحاناعا اينالدىرعان

استانا. قازاقپارات - رەسەيدەگى يجەۆسكى قالاسىندا پروكۋراتۋرا جەكە ۇيدەگى ءمايىتحانانى جاپتى.

بۇل ءمايىتحانا جەرلەۋ قىزمەتىن ۇسىناتىن اگەنتتىكتەردى تەكسەرۋ كەزىندە انىقتالدى، دەپ حابارلادى «ينتەرفاكس».

يەسى باقيلىق بولعان سوڭ ءۇيدىڭ جاڭا قوجايىندارى پايدا بولعاننان كەيىن، كورشىلەر ولاردىڭ ءۇي ماڭىنا ەكى قۇرىلىس سالعانىن كوردى، سونداي-اق، بۇل جەرگە جەرلەۋ قىزمەتىن ۇسىناتىن اگەنتتىك كولىگى ءجيى كەلەتىنىن بايقادى.

زاڭ بويىنشا جەكە ءۇيدى ءمايىتحاناعا اينالدىرۋعا بولمايدى. سونىمەن قاتار، مايىتتەردى ساقتاۋ ءۇشىن كاسىپكەر اۋانى لاستايتىن جانە ادامداردىڭ دەنساۋلىعىنا زياندى فورمالدەگيدتى پايدالانعان.

ءىس ۋدمۋرتيانىڭ جوعارعى سوتىنا جەتكەننەن كەيىن عانا بيزنەسمەنگە ايىپپۇل سالىندى، ال ءمايىتحانا جابىلدى.