الماتىدا ارحيۆتانۋدان وليمپيادا وتەدى
ءبىلىم دوداسى «ۇلت جوسپارى بەس ينستيتۋتسيونالدىق رەفورمانى جۇزەگە اسىرۋ جونىندەگى 100 ناقتى قادام» باعدارلاماسىن ىسكە اسىرۋ شەڭبەرىندە ستۋدەنتتەردىڭ شىعارماشىلىق بەلسەندىلىگىن دامىتۋ ماقساتىندا وتەدى.
ۇيىمداستىرۋشىلار ارحيۆ ماماندىعىنا جاستاردىڭ قىزىعۋشىلىعىن ارتتىرۋدى كوزدەپ وتىر.
وعان ارحيۆ ءىسى بويىنشا ماماندانعان، تاريح فاكۋلتەتىنىڭ ستۋدەنتتەرى قاتىسادى.
«يندۋستراليزاتسيا جانە ەكونوميكالىق ءوسىم» ينستيتۋتسيونالدىق رەفورماسىن ىسكە اسىرۋدىڭ ماڭىزدى ءبىر بولىگى - دايارلاناتىن كادرلاردىڭ باسەكەلەستىك قابىلەتىن ارتتىرۋ (79 قادام). وسى ماقساتتا قازاقستان رەسپۋبليكاسى پرەزيدەنتى ارحيۆىندە اۋقىمدى جۇمىستار جۇرگىزىلۋدە.
ارحيۆتە تۇراقتى تۇردە ءبىرقاتار جوعارعى وقۋ ورىندارىنىڭ تاريح فاكۋلتەتىنىڭ ستۋدەنتتەرىنە وندىرىستىك تاجىريبە ۇيىمداستىرىلادى، وقۋ زالىندا ستۋدەنتتەر ديپلومدىق جانە كۋرستىق جۇمىستارىن جازۋ ءۇشىن ارحيۆ قۇجاتتارى بويىنشا زەرتتەۋلەر جۇرگىزەدى، ارحيۆتىڭ ءار ءتۇرلى ءىس- شارالارىنا قاتىسادى، سونىڭ ىشىندە تاريحي- قۇجاتتىق كورمەلەر، دوڭگەلەك ۇستەلدەر، بەلگىلى زەرتتەۋشى تاريحشىلارمەن كەزدەسۋلەر ۇيىمداستىرىلادى»، - دەلىنگەن باسپا ءسوز حابارلاماسىندا.
اۆتور: گۇلميرا عوسمان-ءالي
