قاتارداعى جاۋىنگەر برازيليادا وتەتىن وليمپيادا ويىنىندا قازاقتىڭ نامىسىن قورعايدى

استانا. قازاقپارات - ق ر قارۋلى كۇشتەرىنىڭ اسكەري قىزمەتشىسى - ارميا ورتالىق سپورت كلۋبىنىڭ بىلعارى قولعاپ شەبەرى، بوكستان حالىقارالىق دارەجەدەگى سپورت شەبەرى، كەلىسىمشارت نەگىزىندەگى قاتارداعى جاۋىنگەر قايرات ەراليەۆ بوكستان ازيالىق جولداما ءتۋرنيرى اياقتالعان قىتايدان ورالدى.

ق ر قورعانىس مينيسترلىگىنىڭ باسپا ءسوز قىزمەتىنىڭ حابارلاۋىنشا، اتالمىش تۋرنيردە قايرات ەراليەۆ 56 كەلى سالماقتا ونەر كورسەتىپ، ءتۋرنيردىڭ قولا جۇلدەگەرى اتاندى. جارتىلاي فينالدا سپورتشىمىز ءۇندىستاننىڭ بىلعارى قولعاپ شەبەرى شيۆ تاپادان 3:0 ەسەبىمەن ۇتىلدى.

جولداماعا قوسىمشا box-off جەكپە- جەگىندە ق. ەراليەۆ ءتۋرنيردىڭ ەكىنشى قولا جۇلدەگەرى فيليپپيننىڭ بوكسشىسى ماريو فەرناندەمەن شارشى الاڭىندا كەزدەستى. قارسىلاسىن 3:0 ەسەبىمەن ويسىراتا جەڭىپ، ق ر ق م ا و س ك- نىڭ قاتارداعى جاۋىنگەرى الداعى ۋاقىتتا ريو- دە- جانەيرودا وتەتىن وليمپيادا ويىندارىنا جولداما جەڭىپ الدى.

وسىلايشا، ق. ەراليەۆ ق ر قورعانىس مينيسترلىگى ارميا ورتالىق سپورت كلۋبىنىڭ(ق م ا و س ك) سپورتشىلار قورجىنىن جەتىنشى وليمپيادا جولداماسىمەن تولىقتىردى.

بۇگىنگى كۇنى وليمپيادا سپورتشىلاردىڭ دايىندالاتىن باستى سايىستىڭ ءبىرى. 2016 -جىلعى ريو- دە- جانەيروداعى وليمپيادا ويىندارى جولداما العانداردىڭ اراسىندا بالۋان، كىشى سەرجانت عالىمجان ۇسەربايەۆ، جەڭىل اتلەتشى، ق ر ق م ا و س ك- نىڭ كاپيتانى ولگا رىپاكوۆا، جەڭىل اتلەتشى، ق ر ق م ا و س ك- نىڭ كەلىسىمشارت نەگىزىندەگى قاتارداعى جاۋىنگەرى ميحايل كراسيلوۆ، بىلعارى قولعاپ شەبەرى، ق ر ق م ا و س ك- نىڭ اعا سەرجانتى ءبىرجان جاقىپوۆ، وق اتۋدان ق ر ق م ا و س ك- نىڭ سپورتشىسى يۋري يۋركوۆ جانە بايداركا ەسۋدەن 3-سىنىپتى سەرجانت ەۆگەني الەكسەيەۆ بار.