كولىك جۇرگىزەتىن اياعى اۋىر انالاردىڭ بىلە جۇرگەنى ابزال
مۇنداي جاعداي جۇكتىلىك كەزىندە دە ورىن الۋى مۇمكىن. ول كەزدە نەنى ەسكەرگەن دۇرىس ەكەنىن anabol.kz سايتى تىزبەكتەدى.
جۇكتى ايەل جولدا جۇرگەندە جانە كولىك باسقارعاندا نەنى ەسكەرۋى ءتيىس؟
جۇكتىلىك كەزەڭىندە مۇمكىندىگىنشە اۋەمەن ۇشۋدى قولدانباۋ قاجەت، پويىز نەمەسە اۆتوكولىكپەن جۇرگەن دۇرىس. كەز- كەلگەن ۇزاق ۋاقىت ساپارى بارىنشا ىڭعايلى بولۋى ءتيىس.
1. پويىزبەن ساپارعا شىعۋ ءۇشىن كۋپە نەمەسە جاتىن ۆاگوندارىن الىڭىز؛
2. اۆتوكولىكتە قوزعالىس كەزىندە ءار جارتى ساعات سايىن دەمالۋ ءۇشىن توقتاعان ابزال؛
3. جۇكتىلىكتىڭ 28-اپتاسىنان كەيىن جانە كولىكتىڭ كەز- كەلگەن تۇرىمەن ۇزاق ساپارلارعا شىقپاۋ قاجەت؛
4. ال بوسانۋ الدىنداعى سوڭعى 2 اپتادا جولعا شىعۋ تۋرالى مۇلدە ويلاماعان ءجون؛
5. قوعامدىق كولىكتى پايدالانعان كەزدە قاۋىرت ساعاتتا قالماۋ قاجەت جانە ۆيرۋستى اۋرۋ ەپيدەمياسى كەزەڭىندە قوزعالىستى ازايتىڭىز؛
6. قوعامدىق كولىككە كىرگەن كەزدە جولاۋشىلاردان ورىن بەرۋدى سۇراۋعا ۇيالماڭىز؛
7. كەتىپ بارا جاتقان پويىز، اۆتوبۋس نەمەسە ترامۆايعا جۇگىرمەڭىز؛
ال اۆتوكولىكتى باسقارۋ كەزىندە مىنا جاعدايلاردى نازاردا ۇستاعانىڭىز ءجون. جۇرگىزۋشى كرەسلوسىنىڭ ارقاسى بارىنشا ىڭعايلى جاعدايدا بولسىن. قاۋىپسىزدىك بەلدىگىن مىندەتتى تۇردە پايدالانىڭىز. بەلدىكتى ادەتتەگىدەي كيەسىز. تومەنگى بولىگى جامباس ارقىلى اسىلادى، جوعارى بولىگى ءبىر يىقتان جوعارى وتكىزىلەدى جانە قاراما- قارسى قولىنان، الدىڭعى كەۋدە تورشالارىنىڭ اراسى ارقىلى ءوتىپ جۇدىرىقتى قىساتىنداي مۇمكىندىك بولۋى كەرەك. جۇكتى ايەلدەرگە ارنالعان ارنايى بەلدىكتەر بار. ولار جاتىرعا بەلدىك قىسىمىن تۇسىرمەيدى.
جۇكتى ايەلدەرگە ۆەلوسيپەد جانە كولىكتىڭ باسقا تۇرلەرىن قولدانۋعا بولمايدى. ول دىرىلدەۋ مەن دەنەنىڭ سىلكىنۋىن، پلاتسەنت قاتپارلارىنىڭ تاۋەكەلىن تۋدىرادى، سونىمەن قاتار رەلاكسين ارەكەتى بويىنشا جاراقات پەن بۋىنداردىڭ سوزىلمالى وزگەرىستەرىن قابىلەتتەندىرەدى.
رولگە وتىرعان جۇكتى ايەل كەپتەلىس ۋاقىتىندا جولدا قالماۋدى الدىن الا ويلاعانى دۇرىس. جول قوزعالىسى ەرەجەلەرىن جانە جىلدامدىق رەجيمىن قاتاڭ ساقتاۋ قاجەت. رولدە مۇمكىندىگىنشە، ءبىر ساعاتتان ارتىق وتىرماعان ابزال.
