17:24, 05 - ءساۋىر 2016 | GMT +5
قاراعاندىدا پوليتسەيلەر جۇرگىزۋشى نازىك جاندىلارعا اداپتەرلەر تاراتتى - فوتو
قاراعاندى. قازاقپارات - قاراعاندىدا جەرگىلىكتى پوليتسيا قىزمەتى جاستار رەسۋرسى ورتالىعىمەن بىرلەسىپ «جاستار جولداعى قوزعالىستىڭ قاۋىپسىزدىگى ءۇشىن» شاراسىن وتكىزدى، دەپ حابارلادى وبلىستىق ءى ءى د باسپا ءسوز قىزمەتىنەن.
«شارا ماقساتى - جولدا ءجۇرۋ ەرەجەسىن ساقتاۋ كەرەكتىگىنە نازار اۋدارتۋ. كولىكتە بالالاردى تاسىمالداۋعا ەرەكشە كوڭىل ءبولىندى»، - دەلىنگەن حابارلامادا.
اكسياعا قاتىسۋشىلار اقپاراتتىق بۋكلەتتەردى عانا تاراتىپ قويماي، جۇرگىزۋشى ايەلدەرگە رەسەيدە شىعارىلعان اداپتەرلەردى (بالالاردىڭ قاۋىپسىزدىگىنە ارنالعان ارنايى بەلبەۋ) ۇسىندى. وبلىستىق ءى ءى د باسپا ءسوز قىزمەتىنىڭ حابارلاۋىنشا، شارا بارىسىندا 100 گە جۋىق جابدىق تاراتىلدى.
