وڭتۇستىك قازاقستاندا اۋدان اكىمى مەكتەپ اسحاناسىنان تاماقتانىپ، قولاستىنداعىلارىن ۇيالتىپ قويدى
مەكتەپتە بەرىلەتىن تاعامنىڭ ساپالىلىعىمەن تانىسۋ ماقساتىندا اكىم وقۋشىلارمەن بىرگە اسحانادان ءدام تاتتى. ەسكەرتۋسىز كىرىپ كەلگەن اۋدان باسشىسى وسىلايشا ءبىراز جايتتىڭ ءمان-جايىنا كۋا بولدى. سەبەبى جاۋاپتى قىزمەتكەرلەر اۋدان باسشىسىنىڭ بىرنەشە سۇراقتارىنا تولىققاندى جاۋاپ بەرە المادى.
اتاپ ايتقاندا، ءار بالاعا بەرىلىپ وتىرعان تاعام مولشەرى قانداي نورماتيۆتىك قۇجاتتارمەن راسىمدەلەتىندىگىنە، اسسورتيمەنتتە كوكتەمگى مەزگىلدە جاس بالانىڭ ورگانيزمىنە قاجەتتى تاعامداردىڭ (جەمىس- جيدەكتەرمەن، سالات ت. ب. ) نەلىكتەن جوقتىعىنا قاتىستى جاۋاپ تابىلمادى. ول از دەگەندەي مەكتەپ اسحاناسىندا كۇندەلىكتى اس ءمازىرى تۋرالى اقپارات قابىرعاعا ءىلىنۋى بىلاي تۇرسىن، ءتىپتى بەكىتىلمەگەن دە بولىپ شىقتى.
ارالاۋ قورىتىندىسىمەن ەرلان ايتاحانوۆ ءبىلىم ءبولىمى مەن بارلىق مەكتەپ باسشىلارىنا مەكتەپتەردە بەرىلەتىن تاعامداردىڭ ساپالىلىعىنا ەرەكشە نازار اۋدارىپ، قاجەتتىلىگىنە قاراي اتا-انالار كوميتەتى مەن ۇكىمەتتىك ەمەس ۇيىمدار تاراپىنان ءتيىستى باقىلاۋ جۇرگىزىلۋىن ۇيىمداستىرۋدى تاپسىردى.
