ءبىلىم ءمينيسترى وقۋشىلاردىڭ مەكتەپ فورماسى قانداي بولۋ كەرەكتىگىن ايتىپ بەردى

استانا. قازاقپارات - استانادا مەكتەپ وقۋشىلارىنىڭ مەكتەپ فورماسىن تىگەتىن وتاندىق وندىرۋشىلەردىڭ كورمە- فورۋمى وتۋدە.

وندا ق ر ءبىلىم جانە عىلىم ءمينيسترى ەرلان ساعاديەۆ وقۋشىلاردىڭ مەكتەپگە كيەتىن فورماسى قانداي بولۋ كەرەكتىگىن ايتىپ بەردى.

ءمينيستردىڭ ايتۋىنشا، اتا-انالار قازاقستاندا وقۋشىلار ءۇشىن ءبىرىڭعاي مەكتەپ فورماسىنىڭ ەنگىزىلۋىن قۇپتاپ وتىر.

«ءبىز بۇنى قۋانا ايتامىز. اتا-انالاردىڭ ءسوزى بويىنشا، فورما بالالاردىڭ سىرت- كەلبەتىن كورىكتەندىرەدى، تارتىپكە سالادى، وقۋعا ءمان بەرۋگە ىقپال ەتەدى، بالالاردى تەڭەستىرەدى. وقۋشىلار فورما ولاردىڭ تۇلعالىق دارالىقتارىن ەش كەمىتپەيدى»، - دەيدى ول.

ە. ساعاديەۆ، سونىمەن قاتار، ءار مەكتەپتە وزىنە ءتان فورمانىڭ بولعانىن دۇرىس كورەتىندىگىن جانە ونى قولدايتىندىعىن ايتتى.

«مەنىڭشە، ول دۇرىس، ءار مەكتەپ دارالانىپ تۇرعانى دۇرىس. مەكتەپتى وقۋشىلاردىڭ فورماسىنان- اق تانۋعا بولسا، ول ءتىپتى جاقسى. سەبەبى فورما مەكتەپ برەندىنە اينالۋى ءتيىس. سوندىقتان مەن ونى قولدايمىن. دەگەنمەن ولار جالپىعا بىردەي ىسكەرلىك ءستيلدىڭ نورمالارىنا جاۋاپ بەرۋى كەرەك، ءبىزدىڭ بالالارىمىزدى دۇرىس درەسس- كودقا ۇيرەتۋى ءتيىس»، - دەدى ە. ساعاديەۆ.

 اۆتور: جاسۇلان جولدىبايەۆ