استانادا ازاماتتارعا «جابىسقان» تاكسي جۇرگىزۋشىلەرى جازالاندى
بۇل تۋرالى بۇگىن استانا قالالىق ءى ءى د جەرگىلىكتى پوليتسيا قىزمەتىنىڭ باستىعى باقىتجان مالىبايەۆ ءمالىم ەتتى.
«مەملەكەت باسشىسىنىڭ قوعامداعى بۇزۋشىلىقتار مەن تارتىپسىزدىكتەرگە «نولدىك توزىمدىلىك» قالىپتاستىرۋ جونىندەگى تاپسىرماسىن جۇزەگە اسىرۋعا باعىتتالعان شارالاردى اتقارۋعا ايرىقشا نازار اۋدارىلدى»، - دەدى ول.
ونىڭ اتاپ وتۋىنشە، بۇل ماسەلەدە جەرگىلىكتى پوليتسيا بارلىق مۇددەلى مەملەكەتتىك ورگاندارمەن ىنتىماقتاسا جۇمىس ىستەۋدە.
«ماسەلەن، مەملەكەتتىك كىرىستەر دەپارتامەنتىمەن بىرلەسىپ، ۆوكزال ماڭى مەن اۋەجايدا تاكسي قىزمەتىن كورسەتەتىن جۇرگىزۋشىلەردىڭ ازاماتتارعا «جابىسۋىن» الدىن الۋ بويىنشا شارالار جۇرگىزىلدى. اكىمشىلىك كودەكستىڭ 449 -بابىنا سايكەس 1194 ازامات جاۋاپكەرشىلىككە تارتىلدى»، - دەدى ب. مالىبايەۆ.
جەرگىلىكتى پوليتسيا قىزمەتى باستىعىنىڭ ايتۋىنشا، اكىمشىلىك سوتتىڭ قولداۋىمەن كوشپەلى سوت وتىرىسىن جۇرگىزۋ قولعا الىنعان. بۇگىندە 9 سوت وتىرىسى ءوتتى.
اۆتور: مارلان جيەمباي
