15:46, 05 - ءساۋىر 2016 | GMT +5
بىشكەكتە ۇلتتىق قۇرت فەستيۆالى وتەدى
استانا. قازاقپارات - 2016 -جىلى 17 -ساۋىردە «ماناس» قىرعىز- تۇرىك ۋنيۆەرسيتەتىندە ۇلتتىق قۇرت فەستيۆالى وتەدى، دەپ حابارلادى كيرتاگ قىرعىزستاننىڭ مادەنيەت، اقپارات جانە تۋريزم مينيسترلىگىنىڭ باسپا ءسوز قىزمەتىنە سىلتەمە جاساپ.
فەستيۆال اياسىندا فولكلورلىق- ويىن ساۋىق باعدارلاماسى، تاعامنان ءدام تاتۋ، قۇرت جارمەڭكەسى وتەدى. قىرعىزستاننىڭ باس اسپازدار قاۋىمداستىعى قۇرت، سورپا جانە دەسەرتتەردى ازىرلەۋ بويىنشا شەبەرلىك ساعاتتارىن ۇيىمداستىرادى. سونىمەن قاتار ساۋدا نۇكتەسىن ۇزدىك رەسىمدەۋ بويىنشا «ەڭ ۇزدىك قۇرت» بايقاۋى وتەدى.
فەستيۆال ۇلتتىق تاعام داستۇرلەرىن دامىتۋعا جانە ساقتاۋعا، ەلدىڭ تۋريستىك تارتىمدىلىعىن قۇرۋعا، بىشكەك تۇرعىندارى مەن قوناقتارىن ۇلتتىق مادەنيەت پەن ۇلتتىق تاعام ەرەكشەلىكتەرىمەن تانىستىرۋعا باعىتتالعان.
