وتەشوۆ پەن قىدىربايەۆقا قاتىستى دوپينگ داۋى شەشىلەتىن ۋاقىت انىقتالدى

استانا. قازاقپارات - اۋىر اتلەتيكادان حيۋستوندا وتكەن الەم چەمپيوناتىنان كەيىن «دوپينگ قولداندى» دەپ ايىپتالعان قازاقستاندىق اۋىر اتلەتتەر الماس وتەشوۆ پەن جاسۇلان قىدىربايەۆقا قاتىستى داۋدىڭ شەشىمى ءساۋىر ايىنىڭ ەكىنشى جارتىسىندا انىقتالاتىن بولدى.

بۇل تۋرالى ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ تىلشىلەرگە بەرگەن سۇقباتىندا ايتا كەتتى.

ەلسيار قاناعاتوۆ قازاقستاندىق سپورتشىلارعا قاتىستى ناقتى شەشىم ءساۋىر ايىنىڭ ەكىنشى جارتىسىندا شىعاتىنىن ايتقان.

- ءبىز ارنايى كوميسسيا قۇردىق. ولار ءالى زەرتتەۋلەرىن اياقتاعان جوق. اياقتاي سالا ءبىز حابارلايتىن بولامىز. ءساۋىر ايىنىڭ ورتاسىنان اۋا جاريالاپ قالامىز، - دەدى ەلسيار قاناعاتوۆ.

ايتا كەتەيىك، وسىعان دەيىن قوس سپورتشىنىڭ دوپينگتى ادەيى قولدانباعانى ايتىلىپ، وليمپياداعا قاتىسۋى مۇمكىن دەگەن اقپاراتتار جاريالانعان بولاتىن.