اسقار جۇماعاليەۆ: «قازاتوم ونەركاسىپ» ا ق ش، ەۋروپا، قىتاي نارىعىنا قاتىسۋدى كۇشەيتەدى
بۇل تۋرالى ا ق ش- تا وتكەن اتوم ونەركاسىبى سامميتىندە «قازاتوم ونەركاسىپ» ۇ ا ك ءتوراعاسى اسقار جۇماعاليەۆ ايتتى.
«قازىرگى ۋاقىتتا قازاتوم ونەركاسىپ» ءوز قىزمەتىن جەتىلدىرۋ جانە ا ق ش، ەۋروپا، قىتايداعى ءبىزدىڭ ارىپتەستەر ءۇشىن جوعارى دارەجەدە كليەنتتىك قىزمەت كورسەتۋ ماقساتىندا جاھاندىق ماركەتينگ جۇيەسى مەن ساتىلىمدى قايتا قۇرىلىمداۋدا. بۇل ۇدەرىستىڭ باستى ەلەمەنتى شۆەيتساريادا ترەيدينگتىك كومپانيا قۇرۋ بولىپ تابىلادى. ول ساتۋ يكەمدىلىگىن قۇرىپ، الەۋەتتى مامىلەلەرگە دەن قويۋ ۋاقىتىن جەدەلدەتەدى. ا ق ش- تا بۇل ۇدەرىس اعىمداعى وكىلدىكتى جويىپ، ونىڭ فۋنكتسياسىن جاڭا قۇرىلىم اياسىندا تولىققاندى «ەنشىلەس» زاڭدى تۇلعالارعا بەرۋدەن كورىنەتىن بولادى.
«قازاتوم ونەركاسىپتىڭ» دامۋ جوسپارلارىنا جاۋاپ بەرە وتىرىپ، باسقارما ءتوراعاسى قىسقا مەرزىمدى كەزەڭدە نەگىزگى مىندەتتەر - وزگەرىس باعدارلاماسىن ەنگىزۋ، ۇسىنىلاتىن ءونىم سپەكترىن كەڭەيتۋ، ءوندىرىستى ءارتاراپتاندىرۋ ەكەنىن ءمالىم ەتتى.
«ءبىز ۇنتاق پەن تابلەتكا ءوندىرىپ جاتىرمىز، تاياۋدا قىتايلىق ارىپتەستەرمەن بىرلەسكەن كومپانيا قۇرامىز، ول ق ح ر رەاكتورلارى ءۇشىن وتىندىق جيناق وندىرۋمەن اينالىسادى. تاياۋدا جەتەكشى كونۆەرسيالىق قىزمەت - ConverDyn كومپانياسىمەن كەلىسىمگە قول قويىلدى. ونىمەن بىرگە بىرلەسكەن UF6 ءونىمىن نارىققا ۇسىنۋدى جوسپارلاپ وتىرمىز»، - دەدى ول.
سونداي- اق، بۇگىندە كومپانيا ءوندىرىستى كەڭەيتىپ، ءوندىرۋ كولەمىن ۇلعايتۋدى جوسپارلامايتىنى بەلگىلى بولدى. قازىرگى ۋاقىتتا نارىققا قوسىمشا جەتكىزۋ ونى قالپىنا كەلتىرۋدە مەرزىمىن ۇزارتۋعا الىپ كەلەر ەدى. كومپانيانى ودان ءارى دامىتۋ ءوندىرۋ جانە ساتۋدى ارتاراپتاندىرۋمەن كوبىرەك بايلانىستى.
جۇماعاليەۆ سونداي- اق قوردىڭ جوعارى ساپاسى مەن رەنتابەلدى ءوندىرۋ جۇيەسى قازاتوم ونەركاسىپكە ۋرانعا تومەن باعا بەلگىلەنگەن قازىرگى كەزدە دە تۇراقتى تابىس الۋعا مۇمكىندىك بەرەتىنىن قوستى.
