جەرگە ۇقساس پلانەتا تابىلدى

استانا. قازاقپارات - امەريكا استرونومدارى عارىشتىق عالامات جاڭالىق اشتى. مۇحيتتىڭ ارعى بەتىندەگى عالىمدار جاڭا قالىپتاسىپ كەلە جاتقان پلانەتانىڭ سۇلباسى ۇستىنەن ءتۇستى. ولاردىڭ ايتۋلارىنا قاراعاندا، بۇل قازىرگى زامانعى جەر شارىنان اينىمايتىن وزىندىك ءبىر كوشىرمە بولىپ شىعاتىن سياقتى.

Daily Mail گازەتىنىڭ جازۋىنشا، كەمبريدجدەگى گارۆارد- سميتسون استروفيزيكا ورتالىعىنىڭ وقىمىستىلارى كوسموستان قازىرگى تاڭدا ديسكى رەتىندە اينالعانىنا ون ميلليون جىلعا جۋىق ۋاقىت بولىپ قالعان جەرگە ۇقساس پلانەتا تاپقان. جاڭالىق TW گيدرا جۇيەسىنەن كورىنىس بەرگەن. ول ءبىزدىڭ پلانەتامىزعا جاقىن، كۇنگە ۇقساس بۇل جۇلدىزدىڭ جەردەن 176 جارىق جىلىنا تەڭ قاشىقتىقتا ورنالاسقانىن دا انىقتاپ وتىر.

مامانداردىڭ اتاپ كورسەتكەنىندەي، چيليدە ورنالاسقان ەۋروپانىڭ وڭتۇستىككە باعىتتالعان ALMA وبسەرۆاتورياسىنداعى مەيلىنشە جاڭارتىلعان تەلەسكوپتار بۇل جۇلدىزدىڭ ماڭىنان بۇدان 4,5 ميلليارد جىل بۇرىن ءوزىنىڭ جاڭا پايدا بولعان شاعىنداعى ءبىزدىڭ كۇن جۇيەسىنىڭ وربيتاسىن ەسكە تۇسىرەتىن اسپان كەۋلەگەن گازدار مەن توزاڭداردان قۇرالعان ديسكىنىڭ سۋرەتتەرىن ءتۇسىرىپ ۇلگەرگەن. ولار وسى پلانەتالاردىڭ بىرىنە الدىن الا جاڭا پايدا بولىپ كەلە جاتقان «جەر 2.0» دەگەن اتاۋ دا بەرىپ قويعان. سەبەبى، ول دا ونىڭ گيدرادان قاشىقتىعى ءبىزدىڭ پلانەتانىڭ كۇنمەن اراداعى اۋقىمىنا تەڭ كورىنەدى.

ەندى استرونومدار عاجايىپ پلانەتا مەن ونىڭ جۇلدىزدار الەمىن بۇگە- شىگەسىنە دەيىن زەرتتەي ءتۇسۋدى جالعاستىرماقشى. ول وسى ارقىلى ءبىزدىڭ ۇلى ۇيامىزدىڭ قالىپتاسۋ پروتسەسىن دە ءبىلىپ شىعۋدى الدارىنا ماقسات ەتىپ قويىپ وتىر.

مۇرات ايتقوجا.

«ەگەمەن قازاقستان»