قازاقستاندىقتارعا تىنىق مۇحيتىنداعى ارالعا كوشۋ ۇسىنىسى جاسالدى
پيتكەرن ارالدارىنىڭ بىرىندە ازاماتتىق الۋ ءۇشىن www.immigration.gov.pn سايتىنا كىرىپ، ءوتىنىش قالدىرۋ كەرەك. كەيىن ارال بيلىگىنىڭ بىرنەشە تالابىن ورىنداساڭ جەتكىلىكتى.
Facebook جازباسىندا كەلەسى اقپارات كەلتىرىلگەن:
" ءومىرىنىڭ سوڭىنا دەيىن مۇحيت جاعالاۋىندا بالىق اۋلاپ ءومىر سۇرگىسى كەلەتىندەر ءۇشىن قىزىق ۇسىنىس جاسالدى. تىنىق مۇحيتىنىڭ وڭتۇستىك بولىگىندە كىشىگىرىم ارال- مەملەكەت بار - پيتكەرن ارالى (Pitcairn Island) دەپ اتالادى. بۇل ارالدا (بريتانيانىڭ مۇحيت سىرتىنداعى يەلىگى سانالادى) 53 ادام عانا تۇرادى - ولاردىڭ 43- ءى - 1789 -جىلى "باۋنتي" كەمەسىندە كوتەرىلىس جاساعان بريتاندىق تەڭىزشىلەر مەن ولاردىڭ پولينەزيالىق جۇبايلارىنىڭ ۇرپاعى، ال قالعان 10 ادام - شەتەلدىكتەر. ولار ارالىنا جاڭا ادامدار تارتۋ كەرەك دەگەن توقتامعا كەلگەن. بۇل ارالعا كوشۋگە نيەت بىلدىرگەن ازىرگە ءبىر- اق ادام تابىلدى. سەبەبى، ول جەرگە ۇشاقتار ۇشپايدى. ال كەمەمەن ەكى كۇن ءجۇزۋىڭ كەرەك. ونىڭ وزىندە كەمە ول جەرگە جىلىنا ءتورت- اق رەت بارادى. كەلگەن ادامعا تەگىن جەر تەلىمىن جالعا بەرەدى. باستاپقىدا ەكى جىلعا عانا، ال كەيىن ءومىرىڭنىڭ سوڭىنا دەيىن تەگىن تۇرا الاسىڭ. يمميگراتسياعا ۇسىنىس ءۇشىن 500 جاڭازەلانديالىق دوللار قاجەت. سونىمەن قاتار ارالدا ەكى جىل بويى ءومىر سۇرۋگە مۇمكىندىك بەرەتىن 30 مىڭ جاڭازەلانديالىق اقشاڭ بولۋى كەرەك. 2 جىلدان كەيىن جەرگىلىكتى كەڭەس سەنى ءوز ازاماتى رەتىندە قابىلداۋ شەشىمىن شىعارادى، ارينە ەگەر سەن شۋ شىعارعىش، قىلمىسكەر ادام بولماساڭ. ۇسىنىستى مىنا سىلتەمە ارقىلى جىبەرۋگە بولادى - https://www.immigration.gov.pn/immigrate/index.html. P. S. ول جەردە زاۋىت تا، فابريكا دا جوق - تىرشىلىك ەتۋ ءۇشىن تەك بالىق اۋلاۋ قاجەت"، - دەپ جازادى ارسەن تۋعان.
ارالدا ءوز پوچتاسى، مەملەكەتتىك وفيس، اپتاسىنا ءۇش كۇن جۇمىس ىستەيتىن دۇكەن، جاڭا زەلانديادان تارتىلعان تەلەفون بايلانىسى جانە Wi-Fi-مەن جابدىقتالعان ۇيلەر بار.
