قازاقستاندا بىلتىرعى شىلدەدەن بەرى ىزدەۋدە بولعان قىلمىسكەر رەسەيدە ۇستالدى

استانا. قازاقپارات - ر ف نوۆوسبىر قالاسىندا قازاقستاندا 2015-جىلعى شىلدەدەن باستاپ ىزدەۋدەگى جازاسىن وتەۋشىنى ۇستادى، دەپ حابارلادى ش ق و قىلمىستىق-اتقارۋ دەپارتامەنتىنەن.

«28 جاستاعى جازاسىن وتەۋشى وسكەمەن قالاسى و ۆ-156/22 قونىس كولونياسىنا الاياقتىعى ءۇشىن ءتورتجىل مەرزىمگە سوتتالعان. وتكەن جىلعى شىلدەدە ەركىن ءجۇرىپ-تۇرۋ قۇقىعىن پايدالانعان ول ەڭبەك كەلىسىم-شارتى بويىنشا جۇمىس ىستەپ جاتقان ورىنان قاشىپ كەتىپ، بەلگىسىز جەردە بوي تاسالاعان»، - دەپ اتاپ وتەدى ش ق و ق ا ج وبلىستىق دەپارتامەنتىنىڭ اقپاراتىندا.

سودان بەرى ەر ادامعا فەدەرالدىق ىزدەۋ جاريالانعان. ونىڭ ىزىنە رەسەي ءى ءى م قىزمەتكەرلەرى دە ءتۇستى.

«ونى قازاقستانعا ەكستراداتسيالاۋ بويىنشا ماسەلە حالىقارالىق پاكتقا سايكەس شەشىلەدى»، - دەلىنگەن وبلىستىق پەنيتەنتسيارلىق جۇيە ۆەدومستۆوسى حابارلاماسىندا.